Latest Marathi News

प्रवीण देसाई - कोल्हापूर -सार्वजनिक वितरण व्यवस्थेचा विषय नेहमीच चर्चेत राहिला आहे. वेळेवर धान्य न मिळणे, धान्याचा काळाबाजार , असे गैरप्रकार घडतात. यामध्ये पारदर्शकता आणण्यासाठी राज्य सरकारने रेशनबाबत सर्व माहिती वेबसाईटच्या माध्यमातून आॅनलाईन उपलब्ध करून दिली आहे. प्रायोगिक तत्त्वावर याची सुुुरुवात झाली असून, लवकरच ती गतिमान होणार आहे.रेशन व्यवस्थेमधील गैरप्रकारांना आळा घालण्यासाठी व नागरिकांना या व्यवस्थेमधील इत्यंभूत माहिती मिळावी, यासाठी राज्य सरकारने हे पाऊल उचलले आहे. रेशनकार्डसह पुरवठा विभागाची माहिती आता आॅनलाईनद्वारे उपलब्ध करून देण्यात आली आहे. आॅक्टोबर महिन्याच्या अखेरीस ही वेबसाईट कार्यान्वित केली आहे. या वेबसाईटवर जिल्हा पुरवठा विभागाला मंजूर होणारे नियतन (उदा. तांदूळ, गहू, रॉकेल) याची माहिती, त्याचबरोबर पुरवठा विभागाकडून रेशन दुकानदारांना किती धान्य व रॉकेल मंजूर झाले, याची माहिती उपलब्ध करून देण्यात आली आहे. नागरिकांनी या वेबसाईटवर जाऊन आपण ज्या रेशन दुकानाचे ग्राहक आहोत, त्या दुकानाचे नाव सर्च केल्यावर त्यात किती धान्य आले आहे याची माहिती कळू शकते. त्यामुळे मंजूर नियतनाबाबत संबंधित दुकानदार लपवाछपवी अथवा उडवाउडवीची उत्तरे देऊ शकणार नाहीत. त्याचबरोबर रेशनकार्डवरील सर्व माहितीही येथे बघता येणार आहे.वेबसाईट...रेशन व्यवस्थेमध्ये पारदर्शकता आणण्यासाठी राज्य सरकारने ६६६.ेंाँंङ्मङ्म.िॅङ्म५.्रल्ल ही वेबसाईट सुरू केली आहे. आॅक्टोबर महिन्याच्या अखेरीस ती कार्यान्वित झाली आहे. सुरुवातीला प्रायोगिक तत्त्वावर असणारी ही पथदर्शी योजना येत्या काळात गतिमान होणार आहे.

१३ फेब्रुवारी रोजी पूर्व मध्य प्रदेश आणि उत्तर छत्तीसगडमध्ये गारपीट होण्याची शक्यता आहे. ...

दीपिका कक्कर पुन्हा देणार गुडन्यूज? व्हिडिओ पाहून नेटकऱ्यांना पडला प्रश्न ...

जनावरांचा सांभाळ कसा करावा? हा यक्ष प्रश्न शेतकऱ्यांपुढे उभा राहिला आहे. ...

मराठा समाजाला स्वतंत्र आरक्षण द्यावे, अशी शिफारस राज्य सरकारला करण्यात येणार असल्याचे सूत्रांचे म्हणणे आहे. ...

जगभरात किसचे वेगवेगळे प्रकार आहेत. पण एक गोष्ट कॉमन आहे. ती म्हणजे किस करताना डोळे बंद होतात. ...

माघ महिन्यातील गणेश जयंतीचे गणेशभक्तांना वेध लागते. ...