Latest Marathi News

उमरगा (जि. धाराशिव ): उमरगा तालुक्यातील मुरूम पोलीस ठाण्याच्या हद्दीतील बेरडवाडी येथे सोमवारी मध्यरात्री रक्ताच्या नात्याला काळिमा फासणारी घटना घडली आहे. अजित अणप्पा वासुदेव (वय ३०) याने किरकोळ वादातून आपली पत्नी लिंबाबाई (वय २४) आणि ८ वर्षांची मुलगी मानसी यांची कुऱ्हाडीने वार करून निर्घृण हत्या केली. धक्कादायक बाब म्हणजे, दुहेरी हत्याकांड घडवल्यानंतर आरोपी अजित मंगळवारी पहाटे २ वाजण्याच्या सुमारास स्वतःहून मुरूम पोलीस ठाण्यात हजर झाला आणि त्याने आपल्या गुन्ह्याची कबुली दिली.४ वर्षांचा मुलगा घराबाहेर पळाला आणि वाचलामिळालेल्या माहितीनुसार, सोमवारी रात्री उशिरा अजित आणि त्याची पत्नी लिंबाबाई यांच्यात जोरात भांडण सुरू झाले. वादाचे रूपांतर हिंसाचारात झाले आणि अजितने घरात असलेल्या कुऱ्हाडीने पत्नी व मुलीवर सपासप वार केले. यावेळी त्यांचा ४ वर्षांचा लहान मुलगा घरातच होता, मात्र भांडण आणि रक्ताचा सडा पाहून तो प्रचंड घाबरला आणि घराबाहेर पळाला, ज्यामुळे त्याचे प्राण सुदैवाने वाचले. अजितला एकूण दोन मुली आणि एक मुलगा असून मोठी मुलगी आजोळी असल्याने ती या संकटातून बचावली आहे.पोलिसांकडून तपास सुरू, हत्येचे कारण अस्पष्टघटनेची माहिती मिळताच पोलीस अधीक्षक रितू खोकर आणि उपविभागीय अधिकारी सदाशिव शेलार यांनी घटनास्थळी भेट देऊन पाहणी केली. सपोनि संदीप दहिफळे यांनी मृतदेहांचा पंचनामा करून ते शवविच्छेदनासाठी मुरूम येथील शासकीय रुग्णालयात पाठवले आहेत. आरोपीने एवढे टोकाचे पाऊल नेमके कोणत्या कारणातून उचलले, हे अद्याप स्पष्ट झालेले नाही. मंगळवारी उशिरापर्यंत गुन्ह्याची नोंद करण्याची प्रक्रिया सुरू होती. कौटुंबिक कलह की संशयाचे भूत, या दिशेने पोलीस आता सखोल तपास करत आहेत.

सैयामी खेरनं मास्क घातलेला फोटो शेअर करत मुंबईतील मुंबईतील हवेच्या ढासळत्या गुणवत्तेवर भाष्य केलंय. ...

Mercury EV-Tech Share: स्मॉल-कॅप सेगमेंटमधील हा मल्टीबॅगर शेअर जोरदार तेजीमुळे चर्चेत राहिला. ...

मुंबईच्या मालाडमध्ये फळविक्रीशी संबंधित एक धक्कादायक प्रकार समोर आला आहे. ...

बिल मंजूर केल्याचं 'बक्षीस' मागितलं; १० हजार स्वीकारताना ग्रामसेवक राजोबा काथार रंगेहाथ अटक ...