Latest Marathi News

कोल्हापूर/इचलकरंजी : स्थानिक गुन्हे अन्वेषण शाखेच्या पथकाकडून इचलकरंजी येथील मंगळवार पेठमधील बनावट नोटा छपाईच्या कारखान्यावर बुधवारी छापा टाकला. छाप्यात भारतीय चलनातील २ लाख २४ हजार २०० रुपये किमतीच्या हुबेहूब बनावट नोटा, ७० हजार ७०० रुपयांच्या बनावट नोटा तयार करण्यास वापरलेले साहित्य असा एकूण २ लाख ९४ हजार ९०० रुपयांचा मुद्देमाल पोलिसांनी जप्त केला. याप्रकरणी अनिकेत विजय शिंदे (२४, रा. इचलकरंजी), राज रमेश सनदी (१९, रा. इचलकरंजी), सोएब अमजद कलावंत (१९) यांना अटक झाली आहे.स्थानिक गुन्हे शाखेचे पोलिस संतोष बरगे, प्रदीप पाटील यांना इचलकरंजीत नारायण टॉकीज परिसरात एक व्यक्ती बनावट नोटा चलनात आणत असल्याची माहिती मिळाली. त्यानुसार स्थानिक गुन्हे शाखेच्या पथकाने सापळा लावून कारवाई केली.कारवाईदरम्यान अनिकेत शिंदे याला ताब्यात घेतले. त्याची झडती घेतली असता खिशात बनावट नोटा आढळल्या. चौकशीदरम्यान त्याने राहत्या घरात बनावट नोटा छापत असल्याचे सांगितले. यासाठी दोन सहकारी मदत करीत असल्याची माहिती त्याने पोलिसांना दिली.रॅकेटची शक्यताकाही दिवसांपूर्वी गडहिंग्लज शहरातही बनावट नोटाचे प्रकरण उघड झाले होते. त्यानंतर आता इचलकरंजी शहरात बनावट नोटा छपाईचा छापखानाच सापडला आहे. यामुळे अशाप्रकारे बनावट नोटा छपाई करणे त्याची विक्री करणारे रॅकेट सक्रिय असल्याचा संशय पोलिसांना येत आहे. त्या दिशेने तपास करीत आहेत.२,२४,२०० रुपयांच्या बनावट नोटा तयार करण्यासाठीचे साहित्य जप्त.कमी श्रमात व कमी वेळेत जास्त पैसे मिळवायच्या उद्देशाने तिघा मित्रांनी एकत्र येऊन यू-ट्यूबवर नोटा छापण्याची माहिती घेतली. त्यानुसार साहित्याची जुळवाजुळव करून नोटा छापण्याचे काम सुरू केले. कार्डशिट पेपरवर नोट चिकटवून ती स्कॅनिंग करून त्याची प्रिंट काढणे, असे ते बनावट नोटा बनवत होते.

राज्याचे अधिवेशन सोमवारपासून सुरू होत असून या अधिवेशनात जिल्ह्यातील प्रलंबित ...

दारूसाठी पैसे मागण्याच्या कारणावरून पती-पत्नीमध्ये कडाक्याचे भांडण झाले. ...

येथील ऐतिहासिक चिंच बागेतील एक जुने वाळलेले झाड कोसळून ८ भाविक जखमी झाले आहेत. ...

वाशिम जिल्ह्यातील खताची अवैध साठेबाजी प्रकरण; आरोपी अटकेसाठी वाढला पोलीसांवर दबाब ...

मोर्चा, रॅली : जिल्ह्यात ‘बंद’ला उत्स्फूर्त प्रतिसाद ...

चांदवड : शहर शिवसेनेच्या वतीने वीज वितरण कंपनीच्या कार्यकारी अभियंत्यांना शहरातील विजप्रश्नी निवेदन दिले. ...

गेळवडे जलाशय ...

घटनेचा निषेध : बसेसवर दगडफेड; पोलीस मुख्यालयावर धडक, हिंदुत्ववादी संघटनेची निषेध रॅली ...