उचगाव : अंगणवाडी सेविकांच्या मार्फत कुपोषण निर्मूलनद्वारे समाज जागृती व आरोग्य जनजागृतीचे उपक्रम कौतुकास्पद आहेत, असे गौरवोद्गार जिल्हा परिषदेचे सदस्य महेश चौगुले यांनी काढले.
उचगाव (ता. करवीर) येथील पोषण अभियान व मोफत आरोग्य जनजागृती उपक्रमाच्या उद्घाटनप्रसंगी ते बोलत होते. अध्यक्षस्थानी सरपंच मालुताई काळे होत्या.
उचगाव येथे १६ ते ३१ मार्चअखेर उचगाव मणेरमळा, यादववाडी, निगडेवाडी, गांधीगर या भागामध्ये पोषण अभियान अंतर्गत गरोदर माता, स्तनदा माता, किशोरवयीन मुली, ६ महिने ते ३ वर्ष व तीन ते सहा वर्षांतील बालकांसाठी पोषण अभियान व आरोग्य जनजागृती उपक्रम राबविण्यात आले. यावेळी उपसरपंच मधुकर चव्हाण, ग्रामपंचायत सदस्या संगीता दळवी, स्वाती जाधव, पं. स. सदस्य सुनील पोवार, पोलीस पाटील स्वप्निल साठे, ग्रामपंचायत सदस्य सचिन देशमुख, सचिन लोखंडे उपस्थित होते.