कोल्हापूर : ज्येष्ठ नागरिक छळ प्रतिबंध जागृती दिवसानिमित्त समाज कल्याण कार्यालय, कोल्हापूर डी. के. शिंदे समाजकार्य महाविद्यालय व फेडरेशन ऑफ सिनियर सिटीझन्स ऑफ महाराष्ट्रतर्फे बुधवारी, १६ जूनला दुपारी १२ वाजता ‘ऑनलाईन गुगल मिटद्वारे’ Link- https://meet.google.com/ptm-uebx-dpr) कार्यशाळा होणार आहे. एक दिवसाची राज्यस्तरीय कार्यशाळा आहे.
१५ जून हा ज्येष्ठ नागरिक छळ प्रतिबंध जागृती दिवस म्हणून साजरा केला जातो. यानिमित्त आयोजित कार्यशाळेत फेडरेशन ऑफ सिनियर सिटीझन्स ऑफ महाराष्ट्राचे अध्यक्ष अरुण रोडे, फेडरेशन ऑफ सिनियर सिटीझन्स ऑफ महाराष्ट्राचे माजी उपाध्यक्ष नारायण इंगळे, ॲड. प्रमोद ढोकळे, राजर्षी शाहू ज्येष्ठ नागरिक संघाचे अध्यक्ष प्राचार्य मानसिंग जगताप मार्गदर्शन करणार आहेत. जिल्ह्यातील सर्व ज्येष्ठ नागरिक संघटना, पदाधिकारी व नागरिकांनी कार्यशाळेचा लाभ घ्यावा, असे आवाहन समाज कल्याण विभागाचे सहायक आयुक्त विशाल लोंढे यांनी केले आहे.