कोल्हापूर : चार दिवसांपूर्वी शिवाजी विद्यापीठानजीक शाहू टोलनाक्याजवळ हॉटेल व्यावसायिकावर प्राणघातक हल्ला केल्याप्रकरणी अटकेत असणाऱ्या एस.टी. गँगच्या संशयित आरोपीकडून राजारामपुरी पोलिसांनी दोन कोयते, हॉकी स्टिक अशी गुन्ह्यात वापरलेली शस्त्रे जप्त केली. या प्रकरणी एकूण १३ जणांवर गुन्हे नोंदवले असून, सराईत गुन्हेगार गेंड्या ऊर्फ ऋषीकेश चौगुलेसह सातजण अटकेत आहेत.
पूर्ववैमनस्यातून बुधवारी (दि. ७) हॉटेल व्यावसायिक सद्दाम अब्दुलसत्तार मुल्ला (वय ३१, रा. यादवनगर) याच्यावर पाठलाग करून प्राणघातक हल्ला केला होता. या प्रकरणी पोलिसांनी एस.टी. गँगच्या १३ गुंडांवर गुन्हे नोंदवले आहेत, त्याप्रकरणी संशयित गेंड्या उर्फ ऋषिकेश चौगुले, अर्जुन ठाकूर, आसू शेख, करण सावंत, प्रसाद सूर्यवंशी, सूरज कलकुटकी व रामू कलकुटकी यांच्यासह सातजणांना अटक केली आहे. ते सध्या पोलीस कोठडीत आहेत. हल्लेखोरांनी गुन्ह्यात वापरलेले कोयते, हॉकी स्टिक रविवारी पोलिसांनी जप्त केली. पुढील तपास राजारामपुरी पोलीस ठाण्याचे निरीक्षक सीताराम डुबल करीत आहेत.
फोट नं. ११०४२०२१-कोल-शाहू टोल नाका हल्ला
ओळी : बुधवारी रात्री कोल्हापुरातील शाहू टोल नाक्याजवळ हॉटेल व्यावसायिकावर प्राणघातक हल्ला करणाऱ्या एस.टी. गँगच्या गुंडाकडून पोलिसांनी रविवारी प्राणघातक हत्यारे जप्त केली.
===Photopath===
110421\11kol_11_11042021_5.jpg
===Caption===
बुधवारी रात्री शाहू टोल नाक्यावर हॉटेल व्यावसायिकावर प्राणघातक हल्ला करणार्या एस,टी. गॅंगच्या गुंडाकडून पोलिसांनी रविवारी प्राणघातक हत्यारे जप्त केली.