दत्तवाड : नगरपालिका निवडणुकीमुळे ग्रामीण भागात मजुरांचा तुटवडा जाणवत असून रोपवाटिकांमध्ये काम करणाऱ्या महिला रोपवाटिका बंद करून प्रचारासाठी शहरात जात आहेत. त्यामुळे शेतकऱ्यांसह रोपवाटिका चालकांना मजूर शोधण्याची वेळ आली आहे.सध्या नगरपालिका निवडणुका सुरू आहेत. त्यामुळे प्रचार फेरीसाठी व प्रचारासाठी ग्रामीण भागातून महिला, पुरुषांना बोलावले जात आहे. त्यामुळे ग्रामीण भागात मजुरांचा तुटवडा जाणवत आहे तर ग्रामीण भागात असणाऱ्या ऊस रोपवाटिकेतील महिलांचा गट रोपवाटिका बंद करून प्रचाराला जात आहे. सध्या ऊस हंगाम सुरू असून शेतकरी कारखान्याला ऊस घालवण्याच्या पाठीमागे लागला आहे. ऊसतोड सुरू असताना कांड्या गोळ्या करणे, पाला गोळा करणे, पाला पेटवणे, यासह शेतीतील इतर कामासाठी मजुरांची आवश्यकता असते. मात्र, त्याचवेळी निवडणूक सुरू असल्याने ग्रामीण भागात शेतकऱ्यांना मजुरांचा तुटवडा जाणवत आहे. त्यामुळे मजूर शोधण्याची वेळ त्यांच्यावर आली आहे.
Web Summary : Rural Maharashtra faces labor shortages due to municipal elections. Women working in nurseries are leaving for campaign work. Farmers struggle to find laborers for sugarcane harvesting and other agricultural tasks, impacting the ongoing harvest season.
Web Summary : नगरपालिका चुनावों के कारण ग्रामीण महाराष्ट्र में मजदूरों की कमी हो गई है। नर्सरी में काम करने वाली महिलाएं चुनाव प्रचार के लिए जा रही हैं। गन्ना कटाई और अन्य कृषि कार्यों के लिए किसानों को मजदूर ढूंढने में मुश्किल हो रही है, जिससे फसल प्रभावित हो रही है।