इचलकरंजी : येथील भारतीय जनता पार्टीमधील तब्बल ७ जणांनी बंडखोरी करत अपक्ष अर्ज दाखल केले, तर ५ जण अन्य पक्षांतून निवडणुकीला उभे राहिले आहेत. अन्य काही नाराजांना रोखण्यात पक्षश्रेष्ठींना यश आले असले तरी निवडणुकीत अंडर-करंट विरोधी हालचाली होण्याच्या शक्यता नाकारता येत नाहीत. दरम्यान, मंगळवारी अर्ज दाखल करण्याच्या शेवटच्या दिवशी ३९१ उमेदवारांनी अर्ज दाखल केले. एकूण ४५६ अर्ज दाखल झाले आहेत.भाजपच्या महिला शहराध्यक्ष अश्विनी कुबडगी, त्याचबरोबर पूनम जाधव, हेमंत वरुटे, मोहन बनसोडे, कपिल शेटके, अरुणा काजवे, मारुती पाथरवट या सात जणांनी अपक्ष उमेदवारी अर्ज दाखल केले, तर अभय बाबेल, संजय गेजगे, महावीर जैन, संतोष जैन, या चार जणांनी शिव-शाहू आघाडीतून आणि संध्या बनसोडे यांनी वंचित बहुजन आघाडीतून उमेदवारी घेतली आहे. या बंडखोरी केलेल्या उमेदवारांच्या व्यतिरिक्त अन्य उमेदवारांना भाजपमध्येच रोखण्यात पक्षश्रेष्ठींना यश आले आहे. परंतु, नाराजीची तीव्रता पाहता निवडणूक प्रचारात काही जणांकडून विरोधी हालचाली होण्याचीही शक्यता आहे. नाराजीतून अशी चर्चा सुरू झाली असली तरी त्यांची नाराजी दूर करून त्यांना पक्षाच्या कामात लावण्याचा कसबही आता पक्षश्रेष्ठींनाच करावा लागणार आहे.
Web Summary : Seven BJP members rebelled in Ichalkaranji, filing independent nominations. Five others joined different parties. Despite efforts to appease some, internal opposition is possible. 391 candidates filed on the last day, totaling 456 nominations.
Web Summary : इचलकरंजी में भाजपा के सात सदस्यों ने बागी होकर स्वतंत्र नामांकन दाखिल किया। पांच अन्य विभिन्न दलों में शामिल हुए। कुछ को शांत करने के प्रयासों के बावजूद, आंतरिक विरोध संभव है। अंतिम दिन 391 उम्मीदवारों ने नामांकन दाखिल किया, कुल 456 नामांकन हुए।