Kolhapur News | Latest Kolhapur News in Marathi | Kolhapur Local News Updates | ताज्यबातम्या कोल्हापूर | कोल्हापूर समाचार | Kolhapur Newspaper

कोल्हापूर : आमदारांकडे अंगरक्षक म्हणून नेमणुकीस असलेल्या पोलीस कॉन्स्टेबलच्या बंद घराचे कुलूप तोडून सर्व्हिस पिस्टल, जिवंत काडतुसे, सोन्याचे दागिने व रोख रक्कम लंपास करणाऱ्या चोरट्याचा थरारक पाठलाग करून लक्ष्मीपुरी पोलिसांनी शिताफीने पकडले. संशयित राजू तुकाराम सुतार (वय २८, रा. कारंडे गल्ली, लक्षतीर्थ वसाहत, मूळ रा. वैभववाडी, ता. सिंधुदुर्ग) असे त्याचे नाव आहे.त्याच्याकडून १0 घरफोडींचे गुन्हे उघडकीस आले असून, सर्व्हिस पिस्टल, २८ जिवंत राऊंड, २६ तोळे सोन्याचे दागिने, पाच मोबाईल, चांदीचा हार, लोखंडी कटावणी, स्क्रु ड्रायव्हर, कात्री आणि कटर असा सुमारे १० लाख किमतीचा मुद्देमाल जप्त केला. त्याच्याकडून आणखी गुन्हे उघडकीस येण्याची शक्यता असल्याची माहिती पोलीस अधीक्षक डॉ. अभिनव देशमुख यांनी पत्रकार परिषदेत मंगळवारी दिली.पोलीस कॉन्स्टेबल अनिकेत मोरे रायगड येथे कार्यक्रमासाठी गेले असताना त्यांच्या रंकाळा बसस्थानक परिसरातील घरातून चोरट्याने सोन्याचे दागिने व ३० हजार रुपयांची रोकड, सर्व्हिस पिस्टल, असा मुद्देमाल लंपास केल्याचे उघडकीस आले होते.लक्ष्मीपुरीचे कॉन्स्टेबल निवास पाटील व रोहित मर्दाने यांना घरफोडी चोरट्याची माहिती मिळाली. त्यांनी निरीक्षक वसंत बाबर यांना माहिती दिली. गेले १५ दिवस या दोघांसह सुनीता शेळके, नामदेव पाटील असे चौघेजण संशयिताच्या पाळतीवर होते. उत्तरेश्वर पेठेतून लक्षतीर्थ वसाहतीकडे जात असताना संशयीत सुतार दिसून आला. त्याचा पाठलाग केला असता, तो जुना शिंगणापूर नाका येथील स्वरूपानंद महाराज मंदिरासमोर रस्त्यावर आपल्या हातात पिशवी घेऊन चालत जात होता. यावेळी निवास पाटील व रोहित मर्दाने यांनी झडप टाकून त्याच्या मुसक्या आवळल्या.संशयिताची पार्श्वभूमीसंशयित राजू सुतार हा वैभववाडी (जि. सिंधुदुर्ग) येथील रहिवाशी आहे. अल्पवयीन असताना त्याने गगनबावडा, विश्रामबाग, कुपवाड, रायगड, जुना राजवाडा, लक्ष्मीपुरी, शिरोली एमआयडीसी पोलीस ठाण्याच्या हद्दीत सात घरफोडी केल्याची कबुली दिली. त्याला विश्रामबाग येथील गुन्ह्यामध्ये दोन वर्षांची शिक्षा झाल्याने तो शिक्षा भोगून कळंबा जेलमधून बाहेर आला आहे.या घरफोड्यांची दिली कबुलीकोल्हापुरातील धोत्री गल्ली, शुक्रवार पेठ, केएमसी कॉलेज, दुधाळी, पिवळा वाडा, लक्षतीर्थ वसाहत येथील घरफोड्यांची कबुली दिली आहे. लक्ष्मीपुरी पोलीस ठाण्यात पाच गुन्हे दाखल आहेत. करवीर पोलीस ठाणेच्या हद्दीमध्ये आर. के. नगर, कळंबा, जिवबा नाना जाधव पार्क अशा १0 घरफोड्या केल्याची कबुली दिली.लक्ष्मीपुरी पोलिसांनी संशयित चोरट्याकडून जप्त केलेला मुद्देमाल.पाच लाखांचे विदेशी मद्य जप्तचंदगड मार्गावरील घटना : थरारक पाठलागानंतर दोघांना अटककोल्हापूर : चौकुळ-इसापूर मार्गावर हेरे (ता. चंदगड) मार्गावरून गोवा बनावटीची मद्याची वाहतूक करणारी जीप थरारक पाठलाग करून मंगळवारी पहाटे तीनच्या सुमारास पकडली. या प्रकरणी संशयित विश्वनाथ आनंदा रायकर (वय ३०, रा. शिप्पूर तर्फ आजरा, पेंढारवाडी रस्ता, ता. गडहिंग्लज) व संभाजी शिवाजी सावळे (३०, रा. दाटे, सावळे गल्ली, चंदगड) यांना अटक केली. त्यांचे दोन साथीदार सतीश अर्दाळकर (रा. अडकूर, ता. चंदगड) आणि सुभाष मुसळे (रा. अडकूरपैकी उत्साळी, ता. चंदगड) हे अंधार व पावसाचा फायदा घेऊन पळून गेले.वाहनामधून सुमारे पाच लाखांचा विदेशी मद्यसाठा, मोबाईल व जीप असा सुमारे साडेसात लाख रुपये किमतीचा मुद्देमाल जप्त केला, अशी माहिती राज्य उत्पादन शुल्क विभागाचे अधीक्षक गणेश पाटील यांनी पत्रकार परिषदेत दिली.मंगळवारी पहाटे तीनच्या सुमारास इसापूर गावामध्ये पथकास चौकुळ गावाकडून जीप पिकअप वाहन येत असल्याचे दिसले. पथकाने थांबण्याचा इशारा केला असता चालकाने न थांबविता तेरवण गावच्या दिशेने भरधाव पलायन केले. पथकाने पाठलाग सुरू केला. किल्ले पारगडकडे जाणाºया फाट्यावर अगोदरच थांबलेल्या दुसºया पथकाने या वाहनाला थांबविले. वाहनाच्या हौद्यात पाहणी केली असता त्यामध्ये विविध ब्रँडचे विदेशी मद्याचे बॉक्स मिळून आले.

Kolhapur (Marathi News)