Kolhapur Marathi News | कोल्हापूर मराठी बातम्या | Latest Kolhapur News in Marathi | कोल्हापूर ताज्या बातम्या | Kolhapur Crime Marathi News | कोल्हापूर ब्रेकिंग न्यूज़| Breaking & Live Kolhapur News | Today's Kolhapur News paper

कोल्हापूर : सोशल मीडियावर ऑनलाईनचा वापर वाढला तसे ऑनलाईनवर गंडा घालणाऱ्यांचेही पेव फुटले. अनोळखी व्यक्तीला मोबाईल दिल्यास त्याचा गैरवापर होण्याची शक्यता दाट आहे. त्याच्याकडून क्यूआर कोड स्कॅन करुन अगर रिटर्न ‘ओटीपी’चा आधार घेऊन तुमचे बँकेतील सर्व रक्कम ती परस्पर काढू शकते. अशा पद्धतीने अनेकांच्या बँक खात्यातील रक्कम परस्पर दुसऱ्या खात्यावर ट्रान्सफर करुन आपले खाते पूर्ण रिकामे झाल्याची अनेक उदाहरणे समोर येत आहेत. अशा पद्धतीने धोका टाळण्यासाठी अनोळखी व्यक्तीला मोबाईल न दिलेलाच बरा.‘ओटीपी’ मिळविण्यासाठी अशी होते फसवणूक१) कॉल करण्याच्या निमित्ताने मोबाईल घेऊन...प्लीज, महत्त्वाचा फोन करायचा आहे, माझ्या फोेनवरील बॅलेन्स संपला. अशी विनवणी करत अनोळखी व्यक्ती आपल्याकडील फोन घेतो. बोलण्यात गुंतवून मोबाईलमालकाचे लक्ष नसल्याचे पाहून त्यातील क्यूआर कोड स्कॅन करतो. मोबाईलवरील ‘ओटीपी’ मिळवतो, त्याच्या आधारे मोबाईल धारकाचे बँक खात्यातील रक्कम आपसुक दुसऱ्या खात्यात ट्रान्सफर होते. त्यातून खाते रिकामे होत फसगत होते.२) लॉटरी लागली आहे असे सांगून...लाॅटरी लागल्याचा ई-मेल किंवा मेसेज येतो. आनंदाने असा मेसेज उघडून पाहिला जातो. त्यातील लिंकवर क्लिक केल्यास त्यानंतर येणारा ‘ओटीपी’ पुन्हा त्या मेसेजमध्ये शेअर करु नये अन्यथा खात्यावरील सर्व रक्कम हॅकर्सच्या खात्यात जमा होते.३) केवायसी आवश्यक असे सांगून...आपल्या बँक खात्याची ‘केवायसी’ अपडेट झालेली नाही. तत्काळ ऑनलाईन अपडेट करुन घ्या; अन्यथा आपले बँक खाते करप्ट होईल. असा फोन येतो. त्यानंतर ‘केवायसी’ अपडेटसाठी लिंक येते. बोलणाऱ्याच्या मोहात पडून आपण सांगेल तसे करतो, आपल्याला आलेला ओटीपी पुन्हा हॅकर्सला शेअर करतो, त्यानंतर क्षणात आपल्या बँक खात्यातील सर्वच रक़्कम उडाल्याचे लक्षात येते.४) वेगळी लिंक पाठवून...‘हा संदेश मोबाईल नंबर पोर्टिंगचा आहे. टाईप करा पोर्ट, एक जागा सोडून तुमचा १० अंकी नंबर आणि हा एसएमएस पाठवा .... या नंबरवर आणि तिकडून जे रिप्लाय येतील ते आम्हाला आमच्या पुढील नंबरवर पाठवा (नंबर) याची अनुमती ( मॉडर्न नाव) यांच्याकडून घेतली आहे.’ असा संदेश मोबाईलवर येतो अगर त्याची लिंक येते. माहिती भरल्यास तुमचे बँक खाते रिकामे होते.ही घ्या काळजी...कोणतीही बँक, शासकीय अधिकारी आपला ‘ओटीपी’ नंबर मागत नाहीत. त्यामुळे काहीही कारण सांगितले तरीही ‘ओटीपी’ कोणालाही शेअर करु नये.कोट...आपल्या अकाऊंटच्या सुरक्षेसाठी ‘टर्न ऑन टू फॅक्टर ऑथिटिकेशन’ पर्याय वापरावा. मोबाईल अगर खाते ओपनसाठी स्ट्राँग पासवर्ड असावा, तो नेहमी बदलत रहावा. आलेला ओटीपी कोणालाही न देता आपले बँक खाते सुरक्षित ठेवता येते. - मंगेश चव्हाण, पोलीस उपअधीक्षक, कोल्हापूर शहर

Kolhapur (Marathi News)

लोकमत न्यूज नेटवर्क तुरंबे : एनएमएमएस परीक्षेत महाराष्ट्रात कोल्हापूर जिल्ह्याने ... ...