शहरं
Join us  
Trending Stories
1
पहलगाम हल्ल्याचा मास्टरमाइंड पाकच; लष्कर, आयएसआय व आर्मीने रचला कट; एनआयएच्या अहवालात दावा
2
कांजूर डम्पिंग ग्राउंड बेकायदा, उच्च न्यायालयाचा राज्य सरकार, महापालिकेला झटका; तीन महिन्यांत जैसे थे करा
3
पाकला उत्तर देण्यासाठी गंगा एक्स्प्रेस-वेवरून झेपावतील लढाऊ विमाने; लँडिंग ड्रिल यशस्वी : देशाच्या संरक्षण तयारीत ऐतिहासिक टप्पा
4
चोंडीत ६०० व्हीव्हीआयपी, दोन हजार पाहुण्यांचा खास पाहुणचार; ६ मे रोजी मंत्रिमंडळाची पहिल्यांदा हाेणार बैठक
5
जातगणना : मॅजिक की मंडल?
6
भारताविरुद्ध पाकिस्तानचे सायबर युद्ध, आठवडाभरात १० लाख हल्ले
7
उत्तरेत अवकाळीचा कहर; वादळात सापडून १० ठार; २०० विमानांना उशीर; राजस्थानात कुठे पाऊस तर कुठे उष्णतेची लाट
8
हंड्रेड डेज’ : पास कोण? नापास कोण?
9
‘त्या’ बाळांच्या उपचारासाठी २४ लाख रुपये; बाळांचे वजन खूपच कमी, अतिदक्षता विभागात उपचार सुरू
10
भरपाईशिवाय जमीन ताब्यात घेण्याचे कृत्य बेकायदा; उच्च न्यायालयाची सरकारवर टीका
11
‘अमेरिकन आहात? - बिलावर १०४% सेवाशुल्क द्या!
12
पंतप्रधान मोदी अमरावतीत असं काय बोलले? की मुख्यमंत्री चंद्राबाबूंना रोखता आलं नाही आपलं हसू! बघा VIDEO
13
अनिल कपूरच्या आईचे निधन; वयाच्या 90व्या वर्षी निर्मला कपूर यांनी घेतला अखेरचा श्वास...
14
Heavy Rain In Jammu & Kashmir : जम्मू-कश्मिरात मुसळधार पाऊस, पाकिस्तानचं टेन्शन वाढवलं! ...तर पुराच्या पाण्यात वाहून जाईल PoK
15
Pahalgam Terror Attack : पाकिस्तानी क्रिकेटरनंतर आता पंतप्रधान शहबाज शरीफ यांच्यावरही भारताचे डिजिटल स्ट्राइक
16
Waves Summit 2025 मध्ये मुख्यमंत्री फडणवीसांच्या उपस्थितीत ८००० कोटींचे सामंजस्य करार
17
'पहलगाम हल्ल्याबाबत सरकारचे धोरण स्पष्ट नाही', मल्लिकार्जुन खरगेंचा केंद्रावर निशाणा
18
हिंदू म्हणून गोळ्या झाडल्या, शुद्ध आल्यावर शेजारी मृतदेह पाहिले; सुबोध पाटलांचा थरारक अनुभव
19
श्रीनगरमधील दल सरोवरात वेगवान वाऱ्यांमुळे बोट उलटली, पर्यटकांकडून मदतीसाठी आरडाओरडा
20
उल्हासनगरात बांगलादेशी नागरिक सापडण्याचे सत्र सुरूच, तीन दिवसात ९ बांगलादेशी नागरिकांना अटक 

बंदी असलेल्या प्लास्टिक पिशव्यांची खुलेआम विक्री

By लोकमत न्यूज नेटवर्क | Updated: December 11, 2020 04:49 IST

कोल्हापूर : महानगरपालिका हद्दीत प्लास्टिक बंदीची अंमलबजावणी सुरुवातीच्या काळात अधिक जोमाने झाली खरी, परंतु गेल्या पाच-सहा महिन्यांत ही मोहीम ...

कोल्हापूर : महानगरपालिका हद्दीत प्लास्टिक बंदीची अंमलबजावणी सुरुवातीच्या काळात अधिक जोमाने झाली खरी, परंतु गेल्या पाच-सहा महिन्यांत ही मोहीम पूर्णपणे थंडावली आहे. शहरात बंदी असलेल्या प्लास्टिक पिशव्यांची खुलेआम विक्री होत आहे. या अवैध पिशव्यांच्या विक्रीकडे आरोग्य प्रशासनाचे दुर्लक्ष झाले आहे. परिणामी, ओल्या व सुक्या कचऱ्यातील त्याचे प्रमाणही वाढत असल्याने निदर्शनास येत आहे.

महाराष्ट्रात भाजप -शिवसेनेचे सरकार असताना तत्कालीन पर्यावरणमंत्री रामदास कदम यांनी राज्यात प्लास्टिक बंदीचा कायदा केला. त्यानंतर त्यांची अंमलबजावणी राज्यभर सुरू झाली. या अंमलबजावणीत कोल्हापूर महानगरपालिका आघाडीवर राहिली होती. तत्कालीन आयुक्त डॉ. मल्लिनाथ कलशेट्टी यांनी या अंमलबजावणीत पुढाकार घेतला. जनजागृतीबरोबरच दंडात्मक कारवाईचा त्यांनी धडका लावला. त्याचा परिणाम म्हणून कोल्हापुरातून प्लास्टिक पिशव्या गायब झाल्या. एवढेच नाही तर प्लास्टिक विक्री करणाऱ्या कारखानदारांना आपले उद्योग बंद ठेवावे लागले. कचऱ्यातून प्लास्टिक बंद झाले. शहरातील नाल्यातील प्लास्टिक दिसेनासे झाले.

मार्च महिन्यापासून महापालिका आरोग्य विभागाचे संपूर्ण लक्ष कोविड १९ चा प्रतिकार करण्याकडे वेधले गेले. लॉकडाऊननंतर साथीचा फैलाव वाढला तसे प्लास्टिकच्या विक्रीकडे दुर्लक्ष झाले. मल्लिनाथ कलशेट्टी यांची बदली झाली आणि प्लास्टिकची बंदी विस्मृतीत गेली की काय अशी शंका येण्यासारखी परिस्थिती शहरभर पहायला मिळत आहे. प्रत्येक हातगाडीवर, फळ विक्रेत्यांकडून सर्रास बंदी असलेल्या ५० मायक्रॉनपेक्षा कमी जाडीच्या प्लास्टिक पिशव्यांचा वापर केला जात आहे. लक्ष्मीपुरी, शाहूपुरी, बसस्थान, महापालिका, महाद्वार, ताराबाई रोड, मिरजकर तिकटी, गंगावेश, रंकाळवेश येथील फळ विक्रेत्यांकडे अशा पिशव्यांचा वापर होत आहे.

एक महिन्यात २० जणांवर कारवाई -

शहरात गेल्या महिन्याभरात प्लास्टिक बंदीच्या कायद्यानुसार २० दुकानदारांवर दंडात्मक कारवाई झाली. प्रत्येकाकडून पाच हजार रुपये याप्रमाणे दंड वसूल करण्यात आला. परंतु ही कारवाई एकदम तोकडी आहे. महिन्याभरात २० म्हणजे दिवसाला एकही कारवाई झालेली नाही. चार पथके कार्यरत आहेत. तरीही कारवाईत शिथिलता येणे म्हणजे कायद्याच्या अंमलबजावणीकडे दुर्लक्ष करण्यासारखे आहे.

मोठ्या प्रमाणात कारवाई करणार-

कोविड १९ ची साथ आणि या साथीच्या काळात मोठ्या प्रमाणात कामाचा व्याप वाढल्यामुळे प्लास्टिक बंदीच्या अंमलबजावणीकडे दुर्लक्ष झाले ही वस्तुस्थिती आहे, परंतु आता आम्ही लवकरच प्लास्टिक विरोधी कारवाई मोठ्या प्रमाणात राबविणार आहोत. चार पथके तयार केली आहेत. शहरातील प्लास्टिक विक्री, उत्पादन पूर्णपणे बंद होईल, असे मुख्य आरोग्य निरीक्षक जयवंत पोवार यांनी सांगितले. दुकानदार, व्यापारी तसेच नागरिकांनीही प्लास्टिकचा वापर टाळून कारवाईचा कटू प्रसंग ओढवून घेऊ नये, असे आवाहन त्यांनी केले.