हातकणंगले - कुंभोज रस्ता लगत पाटणी फार्म हाऊसच्या पूर्वेला मजले गावच्या हद्दीत (मांगाची कुडी )म्हणून ओळखल्या जात असलेल्या शेतातील घरामध्ये सनदी यांचा अनेक वर्षापासून गावठी दारू विक्रीचा अड्डा चालू आहे. याठिकाणी राजू जाधव दारू पिण्यासाठी गेला होता. त्याच अड्ड्यावर दीपक कांबळे हा अगोदरच दारू पिऊन तरार झाला होता. दारू पिण्यावरुन दोघांमध्ये वाद झाला. वादावादी हातघाईवर आली. यावेळी झालेल्या हाणामारीत दीपक याने लाकडाच्या दांडक्याने राजू जाधवला मारहाण केली. राजू जमिनीवर पडताच दीपकने त्यांच्या डोक्यात दगड घातला. दगडाचा घाव वर्मी बसल्याने तो जागेवरच गतप्राण झाला. मयत राजू हा विवाहित असून तो सेट्रिंग कामगार आहे. त्याला दारूचे व्यसन जडल्याने त्याची पत्नी व मुलगा त्याला सोडून माहेरी जाऊन राजूपासून विभक्त राहत आहेत.
संशयित आरोपी दीपक हा गुन्हेगारी प्रवृत्तीचा आहे. खुनाच्या घटनेची माहिती समजताच हातकणंगले पोलीस ठाण्याचे प्रभारी पोलीस उपअधीक्षक साहील झरकर, उपनिरीक्षक सीमा बडे, पोलीस कर्मचारी महादेव खेडकर, संग्राम पाटील, अतुल निकम, प्रकाश लाड, कुलदीप मोहीते, घटनास्थळी दाखल झाले. दीपक कांबळे याला त्यांनी जेरबंद केले.
१२ राजू जाधव मर्डर