कोल्हापूर शहरात पावसाच्या हलक्या सरी

कोल्हापूर : काेल्हापूर शहरात सोमवारी पावसाच्या हलक्या सरी कोसळल्या. विजांचा कडकडाट, वारे सुटले; मात्र पावसाने तुरळक हजेरी लावली.

गेली दोन दिवस जिल्ह्यात अनेक ठिकाणी जोरदार पाऊस होत आहे. सोमवारी दिवसभर उष्मा जाणवत होता. तापमान वाढल्याने सायंकाळी पाऊस जोरदार बॅटींग करेल, असा अंदाज होता. त्याप्रमाणे वातावरणही तयार झाले. सायंकाळी पाच वाजता आकाशात ढग दाटून आले. सोसाट्याचा वाराही वाहू लागला. आकाशात विजांचा थयथयाट सुरू झाल्याने जोरदार पाऊस कोसळणार, असे वातावरण झाले. पावसाला सुरुवात झाली. शहरात तुरळक पाऊस झाला. जिल्ह्यात मात्र अनेक ठिकाणी जोरदार पाऊस झाला.

फोटो ओळी : कोल्हापुरात सोमवारी सायंकाळी पावसाच्या हलक्या सरी कोसळल्या. तत्पूर्वी आकाशात विजेचा कडकडाट सुरू होता. (फोटो-२६०४२०२१-कोल-रेन) (छाया- आदित्य वेल्हाळ)