लोकमत न्यूज नेटवर्क
कोल्हापूर : ‘गोकूळ’साठी रविवारी (दि. २) मतदान होत असून जिल्ह्यातील ३५ केंद्रांवर त्याचे नियोजन केले आहे. करवीर तालुक्याचे मतदान कोल्हापुरातील न्यू मॉडेल स्कूल ॲन्ड ज्युनिअर कॉलेज (विवेकानंद कॉलेज) थे तर इतर ठिकाणचे मतदान तालुक्याच्या ठिकाणी होणार आहे.
‘गोकूळ’साठी सत्तारूढ राजर्षी शाहू आघाडी व विरोधी राजर्षी शाहू शेतकरी आघाडी यांच्यामध्ये सरळ लढत होत आहे. प्रचार अंतिम टप्प्यात आला असून मतदानाची तयारी निवडणूक यंत्रणेने सुरू केली आहे. मागील निवडणुकीत जिल्ह्याचे मतदान एकाच ठिकाणी झाले होते. मात्र काेरोनाच्या पार्श्वभूमीवर तालुक्याच्या ठिकाणी मतदान घेण्याचे नियोजन निवडणूक यंत्रणेने केले आहे. त्यानुसार करवीरचे कोल्हापूर शहरातील न्यू मॉडेल स्कूल ॲन्ड ज्युनिअर कॉलेजमध्ये होणार आहे. इतर तालुक्यातील मतदान तेथील शाळा, महाविद्यालयात होणार आहे. सर्वाधिक सहा केंद्रे करवीर तालुक्यात असून राधानगरी, भुदरगड, कागल तालुक्यात प्रत्येकी चार केंद्रे आहेत.
बहूद्देशीय हॉलमध्ये मतमोजणी
‘गोकूळ’ची मतमोजणी ४ मे रोजी रमणमळा येथील शासकीय बहूद्देशीय हॉल येथे एकत्रित केली जाणार आहे.
येथे होणार मतदान -
तालुका ठिकाण
गगनबावडा माधव विद्यालय, गगनबावडा
हातकणंगले आदर्श इंग्लिश मीडियम हातकणंगले
शिरोळ पद्माराजे हायस्कूल, शिरोळ
राधानगरी राजर्षी शाहू विद्यामंदिर, राधानगरी
गडहिंग्लज एम. आर. हायस्कूल, गडहिंग्लज
शाहूवाडी शाहू हायस्कूल, शाहूवाडी
पन्हाळा कुमार विद्यामंदिर, पन्हाळा
आजरा व्यंकटराव हायस्कूल, आजरा
करवीर न्यू मॉडेल स्कूल ॲन्ड ज्युनिअर कॉलेज, कोल्हापूर
भुदरगड शाहू कुमार भवन, गारगोटी
चंदगड कुमार विद्यामंदिर, चंदगड
कागल जवाहर नवोदय विद्यालय, कसबा सांगाव रोड कागल