कसबा बावडा येथे पॅव्हेलियन मैदानावरील बॅडमिंटन हॉलमध्ये महानगरपालिकेच्यावतीने कोविड सेंटर सुरू आहे. पण या सेंटरमध्ये सध्या बेड शिल्लक नाहीत.
सध्या सौम्य लक्षणे असणारे कोविड रुग्ण गृह अलगिकरणात राहण्यासाठी प्रयत्न करत आहेत. रुग्ण घरी राहिला तर घरातील इतर लोकांनाही संसर्ग होण्याचा संभव असतो.
ही परिस्थिती लक्षात घेऊन आमदार ऋतुराज पाटील यांनी संस्थात्मक अलगीकरण केंद्रासाठी पुढाकार घेतला आहे. श्रीराम सेवा संस्थेच्या हॉलमध्ये यासाठी जागा उपलब्ध आहे. याठिकाणी बेडची व्यवस्था करून महापालिकेच्यावतीने डॉक्टर नर्सेस तसेच औषधेही पुरवली जाणार आहेत. कसबा बावडा येथील डॉक्टरही स्वयंस्फूर्तीने या ठिकाणी सेवा देणार आहेत. डॉ. डी. वाय. पाटील ग्रुपच्या वतीने आवश्यक ती सर्व मदत या सेंटरसाठी करण्यात येणार असल्याचे आ. पाटील यांनी सांगितले.
या बैठकीवेळी महापालिकेचे उपायुक्त निखिल मोरे, श्रीराम संस्थेचे सभापती धनाजी गोडसे, उपसभापती संतोष ठाणेकर, माजी नगरसेवक मोहन सालपे, डॉ. संदीप नेजदार, संजय लाड, गजानन बेडेकर, प्रशांत पाटील, चेतन काळे, प्रवीण लाड, राजीव चव्हाण, विलास पिंगळे, प्रमोद पाटील उपस्थित होते.
फोटो : कसबा बावडा येथील श्रीराम संस्थेच्या हॉलमध्ये संस्थात्मक अलगीकरण केंद्र सुरू करण्यासंदर्भात बैठक घेण्यात आली. यावेळी आमदार ऋतुराज पाटील यांनी सूचना केल्या. यावेळी संस्थेचे चेअरमन धनाजी गोडसे, उपसभापती संतोष ठाणेकर, माजी नगरसेवक मोहन सालपे, डॉ. संदीप नेजदार, गजानन बेडेकर, राजीव चव्हाण, विलास पिंगळे, प्रमोद पाटील, प्रवीण लाड, प्रशांत पाटील, आनंदा करपे आदी उपस्थित होते.