वारणावती : चांदोली धरण परिसरात सुरू असणाऱ्या मुसळधार पावसामुळे धरणाचे चार वक्राकार दरवाजे शुक्रवारी सायंकाळी उघडण्यात आले. चारही दरवाजे 0.७५ मीटरने खुले करून त्यातून ९ हजार ८00 क्युसेक प्रतिसेकंद विसर्ग सुरू झाला आहे. शिवाय जलविद्युत केंद्र्राकडून १२00 क्युसेक असा एकूण ११ हजार क्युसेकचा विसर्ग वारणा नदीत सुरू आहे. गेल्या ३६ तासांत या परिसरात १३५ मिलिमीटर पावसासह एकूण १८८१ मिलिमीटर पावसाची नोंद झाली आहे. गतवर्षी याचदिवशी १३१४ मिलिमीटर पाऊस झाला होता. धरणात सध्या ३२.२६ टीएमसी पाणीसाठा असून, धरणाची पाणी पातळी ६२५.२0 मीटर आहे. ९३.७७ टक्के धरण भरले आहे. पावसाचा जोर वाढल्यास रात्री धरणाच्या दरवाजातून विसर्ग वाढवला जाण्याची शक्यता आहे. नदीकाठावरील गावांना पाटबंधारे खात्याने सतर्कतेचा इशारा दिला आहे. दरम्यान, वारणा पाटबंधारे विभाग कोडोलीचे सहायक अभियंता ए. पी. निकम व वारणावती येथील शाखा अभियंता प्रदीप निकम, आर. पी. खोत यांच्या हस्ते बाहेर पडलेल्या पाण्याचे पूजन केले. (वार्ताहर) पाऊसपाणीधरण क्षमता साठा पाऊस (टीएमसी) (टीएमसी) (मि.मी.)कोयना १0५.२५ ८०.२४ ६९चांदोली ३४.४० ३१.४९८ ७५दूधगंगा २५.३९ १६.६९० ११५धोम १३.५0 ११.७१ १३नीरा देवघर ११.९१ १०.९६ ५९कण्हेर १0.१0 ९.३१ २०उरमोडी ९.८0 ८.८८ ३९राधानगरी ८.३६१ ८.२९६ १२६बलकवडी ४.0८ ३.५७ ५२पाटगाव ३.७१६ २.६३० ६४तुळशी ३.४७१ २.५८७ ७४कासारी २.७५२ २.५३८ २३०कुंभी २.७१३ २.६०५ १४७
‘चांदोली’चे दरवाजे उघडले
By लोकमत न्यूज नेटवर्क | Updated: August 6, 2016 00:29 IST