जनआरोग्य योजनेतील बिलांच्या अडचणीबाबत संपर्क साधा

राज्यातील महात्मा फुले जनआरोग्य योजनेतील हॉस्पिटलमध्ये रुग्णांकडून अधिक प्रमाणात बिल आकारले जाते. याबाबत महात्मा फुले जनआरोग्य योजनेचे प्रमुख ओमप्रकाश शेटे यांनी मुंबई उच्च न्यायालयात याचिका दाखल केली आहे. यावर सध्या सुनावणी सुरू आहे. शेटे यांनी भाजपचे प्रदेश उपाध्यक्ष सुरेश हाळवणकर, धनंजय महाडिक, अमल महाडिक, शौमिका महाडिक, जिल्हाध्यक्ष समरजीत घाटगे यांच्यासह जिल्ह्यातील प्रमुख कार्यकर्त्यांची ऑनलाईन बैठक घेतली. यावेळी योजनेच्या हॉस्पिटलमध्ये मार्च २०२० पासून उपचार घेतलेल्या रुग्णांकडून अर्ज भरून घेण्याचा निर्णय घेतला आहे. अशा रुग्णांना हॉस्पिटल व मेडिकलचे बिल सरकारकडून परत मिळवून देण्यासाठी भाजप प्रयत्नशील आहे. यासाठी खासगी रुग्णालयाचे बिल, मेडिकलच्या पावत्या, रुग्णाचे आधारकार्ड व रेशनकार्ड झेरॉक्स भाजप शहर कार्यालयात जमा करावे. तसेच अधिक माहितीसाठी दीपक पाटील, संकेत तारळेकर यांच्याशी संपर्क साधण्याचे आवाहन डाळ्या यांनी केले आहे.