शहरातील एम. आर. हायस्कूलच्या मैदानावर गणेशचतुर्थीनिमित्त गणेश युनायटेड ट्रॉफी स्पर्धा पार पडली. स्पर्धेत बेळगाव, गारगोटीसह स्थानिक १६ संघांनी भाग घेतला. अंतिम दोन्ही संघ बेळगावचेच असल्याने सुरुवातीपासून सामना चुरशीने झाला. मानस स्पोर्टसच्या जय राऊतने धडाकेबाज चढाया करून बेळगावी एफसीवर दबाव ठेवला. मात्र, बेळगावीचा गोलरक्षक पार्थ, सुजल व वेदराज यांनी चढाया निष्फळ ठरविल्या.
निर्धारित वेळेत सामना गोलशून्य बरोबरीत राहिल्याने सामना टायब्रेकरवर झाला. यामध्ये मानसतर्फे जय राऊत, श्रेयस बासुरटेकर, जीत हरेर यांनी तर बेळगावीच्या शशांक, वेदिराज यांनी गोल केले. युनायटेडचे अध्यक्ष अरविंद बार्देस्कर यांच्या अध्यक्षतेखाली पारितोषिक वितरण झाले. स्पर्धा समन्वयक ओंकार सुतारने स्वागत केले. सचिव दीपक कुपन्नावर यांनी स्पर्धेचा आढावा घेतला. प्र. सहायक निबंधक कौसर मुल्लाणी, आकाश पाटील, प्रशिक्षक गिरीष गणेशकर, मानस नायक, सफाज गोवेकर, सौरभ पाटील, ओंकार घुगरी, बाळासाहेब दळवी यांच्यासह क्रीडाप्रेमी व खेळाडू उपस्थित होते. हुल्लाप्पा सूर्यवंशी यांनी आभार मानले.
सर्वोत्कृष्ट खेळाडू
श्रेयस बासुरटेकर (गोलरक्षक मानस स्पोटर्स), बचावपटू : वैभव कोंडेकर (जय लिंगनूर), मध्यरक्षक : सुजल (बेळगावी), आघाडीपटू : जय राऊत (मानस)
-----------------------
फोटो ओळी : गडहिंग्लज युनायटेड फुटबॉल असोसिएशनतर्फे आयोजित फुटबॉल स्पर्धेतील विजेत्या बेळगावच्या मानस स्पोर्टसला चषक देताना कौसर मुल्लाणी. शेजारी अरविंद बारदेस्कर, आकाश पाटील, गिरीष गणेशकर, मानस नायक, आदी उपस्थित होते. (किल्लेदार फोटो)
क्रमांक : १३०९२०२१-गड-०१