क्रेशेर चौक, हॉकी स्टेडियम, संभाजीनगर, नवीन वाशीनाका, रंकाळा तलाव, आपटेनगर चौक, कळंबा-गारगोटी रस्ता येथे सकाळी अकरानंतर रस्त्यावर दिसणाऱ्यांची चौका-चौकात पोलिसांनी अडवणूक करत चौकशी करून कारवाई केली. शिवाय दुचाकी वाहने जप्त केली. त्यामुळे रिकामटेकड्यांनी पोलिसी कारवाईची धास्ती घेतल्याचे चित्र दिसून आले. काहीठिकाणी विनाकारण टोळक्याने फिरणाऱ्यांना लाठीचा प्रसादही मिळाला.
सकाळी भाजी व गरजेच्या वस्तू खरेदी करण्यासाठी नागरिकांनी चौका-चौकात गर्दी केली होती. त्यामुळे ठिकठिकाणी सोशल डिस्टन्सचा फज्जा उडाला होता. मात्र नेहमीच्या तुलनेत बाजारपेठेत गर्दी कमी होती .सकाळी अकरापर्यंत पेट्रोल
पंपावर पेट्रोलसाठी मोठ्या रांगा लागल्या होत्या. अकरा वाजताच भाजीविक्रेते व व्यापारी व्यावसायिक यांनी दुकाने बंद करून प्रतिसाद दिल्याने नियमांची अंमलबजावणी करणे सोपे झाले. सकाळपासून कडक पोलीस बंदोबस्त लावण्यात आला होता. त्यामुळे पुन्हा एकदा रस्त्यावर दुपारी अकरानंतर शुकशुकाट पाहावयास मिळाला.
फोटो : २२ कळंबा लॉकडाऊन
ओळ
एरव्ही वाहनांच्या व पादचाऱ्यांच्या वर्दळीचा क्रेशेर चौक अर्थात कोल्हापूर-राधानगरी रस्ता दुपारनंतर निर्मनुष्य बनला होता.