कोल्हापूर : केंद्र शासनाकडून प्राप्त झालेल्या पंधराव्या वित्त आयोगाचे वितरण २६ जून २०२० रोजीच्या महाराष्ट्र शासनाच्या आदेशाप्रमाणे करण्यात यावे, अशी लेखी सूचना विभागीय आयुक्त सौरभ राव यांनी केली आहे. तसे पत्र कोल्हापूर जिल्हा परिषदेचे मुख्य कार्यकारी अधिकारी अमन मित्तल यांना मंगळवारी पाठविण्यात आले आहे.
गेले चार महिने यावरून न्यायालयीन संघर्ष सुरू असून, याबाबत जिल्हा परिषद सदस्या वंदना मगदूम यांनी विभागीय आयुक्तांनाही माहिती दिली होती. तसेच न्यायालयाच्या निकालाचीही लेखी माहिती देण्यात आली होती. याबाबत मगदूम यांनी ७ नोव्हेंबर रोजी त्यांच्याकडे अर्ज करून त्यांच्याकडे या निधी वितरणाबाबत तक्रार करण्यात आली होती.
त्याची दखल घेत विभागीय आयुक्तांनी हे पत्र काढले असून, याची अंमलबजावणी करण्याची जबाबदारी अमन मित्तल यांच्यावर पडली आहे. तसेच उच्च न्यायालयात आज, गुरुवारी याबाबत सुनावणी असल्याने आता त्याकडे लक्ष लागले आहे. विभागीय आयुक्तांच्या या पत्रामुळे मगदूम यांच्या मागणीला बळ मिळाल्याचे मानण्यात येते.