झेडपीनंतर कोल्हापूर जिल्ह्यात ४३३ ग्रामपंचायत निवडणुकींचा धुरळा उडणार, प्रभाग रचना कार्यक्रम जाहीर

जूनच्या पहिल्या आठवड्यात मतदान शक्य

कोल्हापूर : जिल्हा परिषद, पंचायत समित्यांच्या निवडणुकीचा धुरळा बसतो न बसतो तोच जिल्ह्यातील जानेवारी ते डिसेंबर २०२६ पर्यंत मुदत संपणाऱ्या ४३३ ग्रामपंचायतींच्या प्रभाग रचनेचा कार्यक्रम जाहीर झाला आहे. शुक्रवारपासून प्रभाग रचनेची प्रक्रिया सुरू केली जाणार असून ३० मार्च प्रारूप तर २८ एप्रिलला अंतिम रचना केली जाणार आहे. त्यामुळे जूनच्या पहिल्या आठवड्यात मतदान होण्याची दाट शक्यता आहे.

'लोकमत महाराष्ट्रीयन ऑफ द इयर' कोण?... क्लिक करून आपलं मत नोंदवा!ग्रामपंचायतींची मुदत संपण्यापूर्वी सहा महिने प्रभाग रचनेची प्रक्रिया सुरू केली जाते. पण, डिसेंबर, जानेवारी महिन्यात मुदत संपणाऱ्या ग्रामपंचायतींची प्रक्रिया अद्याप सुरू केलेली नव्हती. त्यात जिल्हा परिषद, पंचायत समित्यांच्या निवडणुकामुळे ही प्रक्रिया आता सुरू केली आहे.मंगळवारपासून गावांचे नकाशे तयार करून तलाठी व ग्रामसेवक यांनी स्थळ पाहणी करून सीमा निश्चित करणे. तहसीलदारांच्या अध्यक्षतेखालील समितीने प्रारूप प्रभाग रचनेची तपासणी करून उपविभागीय अधिकाऱ्यांकडे पाठवणे. प्रारूप प्रभाग रचनेवर हरकती त्यावर सुनावणी होऊन ४ मे रोजी अंतिम रचना केली जाणार आहे. त्यानंतर, प्रभागनिहाय आरक्षण निश्चित करुन साधारणता मे महिन्याच्या शेवटच्या किंवा जूनच्या पहिल्या आठवड्यात मतदान होण्याची शक्यता आहे.ग्रामपंचायतींवर मंगळवारी प्रशासक येणारजिल्हा परिषद, पंचायत समित्यांच्या निवडणुकांमुळे डिसेंबर, जानेवारी महिन्यात मुदत संपणाऱ्या ग्रामपंचायतींच्या निवडणूका लांबणीवर पडल्या. या ग्रामपंचायतींचा कार्यक्रम मंगळवारी (दि. २४) संपत असल्याने त्याच दिवशी प्रशासक नियुक्ती केली जाणार आहे. तालुक्याचे विस्तार अधिकाऱ्यांची प्रशासक म्हणून नियुक्ती केली जाणार आहे.प्रभाग रचनेवर ठरणार विजयाचे गणितप्रभाग रचनेवर निम्मा निकाल अवलंबून असतो. त्यामुळे आपल्या सोयीचे घरे, गल्ली आपल्या प्रभागात घेण्यासाठी इच्छुकांची व्यूहरचना असते. त्यामुळे भाैगोलिक संलग्नता राखत प्रभाग रचना करताना अधिकाऱ्यांना तारेवरची कसरत करावी लागते. प्रभागाच्या रचनेवरच विजयाचे गणित अवलंबून असल्याने रचनेवर हरकती मोठ्या प्रमाणात येतात.

असा राहणार प्रभाग रचनेचा कार्यक्रम...प्रभाग रचना प्रक्रिया - तारीखगुगल नकाशे तयार करणे :  २० फेब्रुवारीसीमा निश्चित करणे : २७ फेब्रुवारीप्रारूप रचनेची तपासणी :   ५ मार्चप्रारूप रचना उपविभागीय अधिकाऱ्यांना पाठवणे : ११ मार्चजिल्हाधिकाऱ्यांनी निवडणूक आयोगाकडे पाठवणे : १७ मार्चप्रारूप रचना प्रसिद्ध : ३० मार्चहरकती घेऊन अंतिम रचना जाहीर करणे :  ४ मे                        तालुकानिहाय निवडणुकीस पात्र ग्रामपंचायती...कागल : ५६करवीर : ५३भुदरगड : ४६गडहिंग्लज : ४३पन्हाळा : ४३शाहूवाडी : ४२शिरोळ : ३४आजरा : २६हातकणंगले : २२राधानगरी : १९गगनबावडा : ०९