डोंबिवली - कल्याण डोंबिवली महापालिकेत भाजपा आणि शिंदेसेनेने महायुती म्हणून एकत्रित निवडणूक लढली असली तरी याठिकाणी निकालानंतर सत्तासंघर्ष दिसून येत आहे. कल्याण डोंबिवलीत महापौरपदाची सूत्रे हाती घेण्यासाठी शिंदेसेनेने हालचाली सुरू केल्या आहेत. त्यात शिंदेंच्या खेळीने उद्धव ठाकरेंसहभाजपालाही धक्का बसला आहे. कल्याण डोंबिवलीत मनसेची शिंदेसेनेला साथ मिळाली आहे. याठिकाणी शिंदेसेनेचे ५३ आणि मनसेचे ५ असं मिळून एकूण संख्याबळ ५८ झाले आहे तर दुसरीकडे भाजपाकडे ५० जागा आहेत. याठिकाणी बहुमताचा आकडा ६२ असून शिंदेसेनेने सत्ता समीकरणात मनसेला सोबत घेतल्याने भाजपाला धक्का बसला आहे.
मनसे नेते राजू पाटील यांनी कल्याण डोंबिवलीत स्थिर सत्तेसाठी शिंदेसेनेला पाठिंबा दिल्याचे जाहीर केले. मात्र महायुतीत भाजपा ५० आणि शिंदेसेना ५३ जागांवर विजयी झाली असताना महायुतीकडे भक्कम बहुमत होते. तरीही शिंदेसेनेने मनसेला जवळ केल्याने कल्याण डोंबिवलीत भाजपाला सत्तेपासून दूर ठेवण्याची रणनीती शिंदेसेनेने खेळल्याचे समोर आले. त्यातून आता पडद्यामागे बऱ्याच हालचाली सुरू झाल्या आहेत. शिंदेंचा डाव उलथावून लावण्यासाठी भाजपानेही उद्धव ठाकरेंना प्रस्ताव दिल्याचे पुढे आले आहे.
कल्याण डोंबिवलीत उद्धवसेनेचे ११ नगरसेवक निवडून आले आहेत. मात्र यापैकी ४ नगरसेवक निकालापासून नॉट रिचेबल आहेत. तर उरलेल्या ७ नगरसेवकांनी मातोश्रीवर जात उद्धव ठाकरेंची भेट घेतली. या भेटीत कल्याण डोंबिवली महापालिका उद्धवसेनेच्या नगरसेवकांच्या गटनेतेपदी उमेश बोरगावकर यांची निवड करण्यात आली. मातोश्रीवरील बैठकीत उद्धव ठाकरे यांनी केडीएमसीतील नगरसेवकांना मार्गदर्शन केले. त्यात कुणाकडून सन्मानजनक प्रस्ताव आल्यास विचार करावा असं विधान उद्धव ठाकरे यांनी केले. त्यामुळे केडीएमसीत उद्धव ठाकरे सत्तेत बसणार का अशी चर्चा सुरू झाली.
मातोश्रीवरील बैठकीनंतर पत्रकारांशी बोलताना गटनेते उमेश बोरगावकर यांनी सूचक विधान केले. त्यात आमच्याशी संपर्क सुरू आहे. वरिष्ठ पातळीवर चर्चा सुरू आहे. आम्हाला भाजपा आणि शिंदेसेनेने संपर्क केला आहे. पाठिंबा मागण्यासाठी संपर्क केला आहे. जर पाठिंब्याबाबत कोणत्याही पक्षाने आमच्याकडे प्रस्ताव दिला आणि तो सन्मानजनक असेल आणि त्याबाबत आम्ही विचार कसा करावा आणि काय करावा, त्याबद्दल आमची चर्चा झाली. डोंबिवलीतील भाजपा नेते दीपेश म्हात्रे यांच्याशी फोनवरून बोलणं झाले आहे. त्यांना आम्हाला प्रस्ताव दिला आहे. त्यावर वरिष्ठ पातळीवर चर्चा सुरू आहे अशी प्रतिक्रिया बोरगावकर यांनी दिली. त्यामुळे मनसेनंतर आता उद्धव ठाकरे यांच्या भूमिकेकडे सर्वांचे लक्ष लागले आहे.
Web Summary : KDMC witnesses political shifts as Shinde's Sena aligns with MNS, sidelining BJP. BJP then approached Uddhav Thackeray for support. Discussions are ongoing about potential alliances and power dynamics within the KDMC, with all parties exploring options for forming a stable government.
Web Summary : केडीएमसी में राजनीतिक बदलाव: शिंदे सेना ने मनसे से गठबंधन किया, जिससे भाजपा अलग-थलग पड़ गई। फिर भाजपा ने उद्धव ठाकरे से समर्थन मांगा। केडीएमसी में संभावित गठबंधनों और शक्ति गतिशीलता पर चर्चा जारी है, सभी पक्ष स्थिर सरकार बनाने के लिए विकल्प तलाश रहे हैं।