डोंबिवली: लोढा हेवन या हायप्रोफाईल सोसायटीत एक धक्कादायक प्रकार समोर आला आहे. चेंबरची साफसफाई करण्यावरून दोन शेजाऱ्यांमध्ये जोरात भांडण झाले. यादरम्यान एका शेजाऱ्याने दुसरा शेजारी कुटुंबाच्या अंगावर पाळीव कुत्रा सोडला. या पाळीव कुत्र्याने दोन जणांचा चावा घेतला. दोघे जखमी झाले. या प्रकरणात मानपाडा पोलिसांनी तिघांच्या विरोधात गुन्हा दाखल करून पुढील तपास सुरू केला आहे.
लोढा हेवन या सोसायटीत योगी कुटुंबातील काही लोक घराच्या मागे असलेल्या चेंबरची दोन कामगारांच्या मदतीने साफसफाई करीत होते. याच दरम्यान शेजारी राहणाऱ्या तिवारी कुटुंबातील अनुराधा तिवारी, संतोष तिवारी, आणि कृतिका तिवारी या ठिकाणी आले. चेंबरची सफाई का करता ? या कारणावरून तिघांनी योगी नामक कुटुंबीयांसोबत वाद घातला. तिघांनी योगी कुटुंबातील तिघांना मारहाण केली. या दरम्यान तिवारी कुटुंबीयांनी आपल्या पाळीव कुत्रा योगी कुटुंबाच्या अंगावर सोडला.
साफसफाई करणारे दोघे कामगार पळून गेले .या पाळीव कुत्र्याने मनोज योगी आणि त्यांचा मुलाचा चावा घेतला. कुत्र्याने चावा घेतल्याने दोघे जखमी झाले. मनोज योगी यांच्यावर हॉस्पिटलमध्ये तीन दिवस उपचार झाले. या प्रकरणात योगी कुटुंबाच्या तक्रारीवरून मानपाडा पोलिसांनी तिवारी कुटुंबातील संतोष तिवारी, अनुराधा तिवारी आणि कृतिका तिवारी या तिघांच्या विरोधात गुन्हा दाखल केला आहे. मात्र या घटनेमुळे एकच खळबळ उडाली आहे.
Web Summary : A dispute over chamber cleaning in Dombivli's Lodha Heaven society turned violent. A neighbor released their pet dog on another family, injuring two. Police have registered a case against three individuals and are investigating the incident.
Web Summary : डोंबिवली के लोढ़ा हेवन सोसायटी में चेंबर की सफाई को लेकर विवाद बढ़ गया। एक पड़ोसी ने दूसरे परिवार पर पालतू कुत्ता छोड़ दिया, जिससे दो लोग घायल हो गए। पुलिस ने तीन लोगों के खिलाफ मामला दर्ज कर जांच शुरू कर दी है।