धक्कादायक! डोंबिवलीनंतर आता कल्याण हादरलं; ८ वर्षांच्या मुलीवर शिक्षकाचा लैंगिक अत्याचार

कल्याणच्या हायप्रोफाईल सोसायटीत राहणारी पीडित आठ वर्षीय मुलगी याच परिसरातील एका शिक्षिकेकडे शिकवणीला जाते.

कल्याण: डोंबिवलीत एका अल्पवयीन तरुणीवर सामूहिक बलात्काराची घटना समोर आल्यानंतर कल्याणमध्ये आणखी एका आठ वर्षीय मुलीवर खासगी शिकवणी वर्गाच्या शिक्षकाने लैंगिक अत्याचार केल्याची घटना गुरुवारी उघडकीस आली. याप्रकरणी बाजारपेठ पोलिसांनी आरोपी मुदर तालवाला याला अटक केली असून पुढील तपास सुरू आहे. 

कल्याणच्या हायप्रोफाईल सोसायटीत राहणारी पीडित आठ वर्षीय मुलगी याच परिसरातील एका शिक्षिकेकडे शिकवणीला जाते. काही दिवसांपूर्वी शिक्षिका माहेरी गेली होती. त्यामुळे तिचा पती शिक्षक मुदर तालवाला हा मुलांची शिकवणी घेत होता. दरम्यान, काही दिवसांपासून पीडित मुलगी शिकवणीला जायला तयार नव्हती. तिच्या आईने शिकवणीला जायला सांगितले असता, ती रडायला सुरुवात करायची. त्यामुळे तिच्या आईला संशय आला. 

डॉक्टर तरुणीवर बलात्कार; त्यानंतर तिच्याच आई- वडिलांना पाठवला व्हिडिओ, औरंगाबादमधील प्रकार https://t.co/2IYZWh9AUA

— Lokmat (@MiLOKMAT) September 24, 2021

आईने मुलीला विश्वासात घेऊन विचारपूस केली असता, मुलीने घडलेला प्रकार आईला हावभाव करुन दाखविला. त्यावरून आपल्या मुलीसोबत काय प्रकार घडला, हे आईला समजून चुकले. याबाबतची माहिती तिच्या आईने बाजारपेठ पोलिसांना दिली. पोलिसांनी गंभीर दखल घेत ४२ वर्षीय शिक्षक मुदर तालवाला याला अटक केली. न्यायालयाने आरोपीला एक दिवसाची पोलीस कोठडी सुनावल्याची माहिती पोलीस निरीक्षक राजेंद्र अहिरे यांनी दिली.

३५ वर्षीय महिलेचे लैंगिक शोषण; आरोपीसह १९ वर्षीय मुलीनेही तिच्यासोबत नको तो प्रकार केला! https://t.co/Pp7qVV3NcR

— Lokmat (@MiLOKMAT) September 19, 2021