Worlds Richest Beggar : तुम्हाला अनेकदा रस्त्यावर भिकारी दिसले असतील. भिकाऱ्यांना गरीब आणि निराधार समजून अनेकजण पैसे देतात, तुम्हीही दिले असतील. पण तुम्हाला जाणून आश्चर्य वाटेल की, यातील काही भिकारी खूप श्रीमंत आहेत. भारतात असे अनेक भिकारी आहेत, ज्यांची लाखो-करोडोंची संपत्ती आहे. आज आम्ही तुम्हाला अशाच एका भिकाऱ्याबद्दल सांगणार आहोत. भीक मागून हा भिकारी जगातील सर्वात श्रीमंत भिकारी(Worlds Richest Beggar) बनला आहे.
भरत जैन(Bharat Jain) असे या भिकाऱ्याचे नाव असून, तो मुंबईत राहतो. त्याला जगातील सर्वात श्रीमंत भिकारी म्हटले जाते. भरत जैन याची मुले कॉन्व्हेंट शाळेत शिकतात. तो 1.25 कोटी रुपयांच्या घरात राहतो. त्याची मुंबई आणि पुण्यात करोडो रुपयांची घरे आणि दुकाने आहेत. त्याला दरमहा सुमारे 70 हजार ते 80 हजार रुपये मिळतात. भारत जैनचे नेट वर्थ सुमारे 7.5 कोटी रुपये असल्याचे सांगितले जाते.
भरत जैन मुंबईतील रस्त्यांवर अनेकदा भीक मागताना दिसतो. भरत जैनच्या कुटुंबात त्याची पत्नी, दोन मुले, एक भाऊ आणि वडील आहेत. भरतच्या दोन्ही मुलांचे शालेय शिक्षण पूर्ण झाले आहे. भरतकडे मुंबईत 1.2 कोटी रुपयांचा दोन बेडरुमचा फ्लॅट आहे. त्याची ठाण्यात दोन दुकाने असून त्यांचे भाडे 30 हजार रुपये आहे. भरत जैनने छत्रपती शिवाजी टर्मिनस किंवा आझाद मैदानावर भीक मागतो.
एवढा श्रीमंत होऊनही भरत जैन मुंबईत भीक मागताना दिसतो. अनेक लोक 12-14 तास काम करूनही दिवसात हजार रुपये कमवू शकत नाहीत. पण भरत जैन लोकांच्या कृपेने 10 ते 12 तासांत दररोज 2000-2500 रुपये गोळा करतो. भरत जैनच्या कुटुंबातील इतर लोक स्टेशनरीचे दुकान चालवतात. घरातील सदस्य वारंवार भरतला भीक न मागण्याचा सल्ला देतात, पण भरत ऐकत नाही आणि भीक मागण्याचे काम सुरूच ठेवतो.