विमानातून नारळ सोबत नेण्यावर का आहे बंदी? तुम्हालाही माहीत नसेल कारण...

Why Is Coconut Not Allowed In Plane: धारदार हत्यार, पिस्तुल आणि ज्वलनशील पदार्थासहीत अनेक गोष्टी विमानात सोबत नेण्यावर बंदी आहे. त्याशिवाय एक असं फळंही आहे जे विमानात सोबत नेता येत नाही.

Why Is Coconut Not Allowed In Plane: बस आणि रेल्वेच्या तुलनेत विमानात प्रवास करताना कितीतरी नियमांचं पालन करावं लागतं. प्रत्येक एअरलाईन्सकडून सोबत काय न्यावं आणि नेऊ नये यासाठी काही नियम तयार केले आहेत. जे प्रत्येक प्रवाशाला काटेकोरपणे पाळावे लागतात. जर हे नियम फॉलो केले गेले नाही तर प्रवाशावर कायदेशीर कारवाई देखील केली जाते किंवा तुरूंगातही जावं लागू शकते. धारदार हत्यार, पिस्तुल आणि ज्वलनशील पदार्थासहीत अनेक गोष्टी विमानात सोबत नेण्यावर बंदी आहे. त्याशिवाय एक असं फळंही आहे जे विमानात सोबत नेता येत नाही. 

तुम्हाला वाचून आश्चर्य वाटेल की, एक असं फळ आहे जे विमानात सोबत नेण्यावर बंदी आहे. ते फळ म्हणजे नारळ. विमानात प्रवास करत असताना तुम्ही सोबत नारळ नेऊ शकत नाही. याचं मुख्य कारण म्हणजे वाळलेल्या नारळात तेलाचं प्रमाण अधिक असतं. आणि तेलाला ज्वलनशील पदार्थांच्या श्रेणीत ठेवलं जातं. त्यामुळे सुरक्षेच्या कारणानं विमानात सोबत नारळ नेण्यास परवानगी नाही.

गेल्यावर्षी एअरपोर्टच्या काही नियमांमध्ये बदल करण्यात आले आहेत. हे नियम खासकरून दुबईला जाणाऱ्या प्रवाशांना पाळाले लागतात. आतापर्यंत प्रवाशी त्यांच्या आवश्यक गोष्टी जसे की, औषधं आपल्या सोबत असलेल्या बॅगमध्ये नेत होते. पण आता नव्या नियमांनुसार, आता काही औषधांवर दुबईला जाणाऱ्या उड्डाणांमध्ये बंदी घालण्यात आली आहे. प्रवाशांना या नियमांबाबत माहीत असलं पाहिजे. 

दुबईचा प्रवास करत असताना हे जाणून घेणं गरजेचं ठरतं की, कोणत्या गोष्टी हॅंड बॅगमध्ये आणि चेक इन बॅग्समध्ये ठेवाव्या. अनेक नकळत लोक सोबत अशा गोष्टी आणतात, ज्या विमानात घेऊन जाण्यास बेकायदेशीर मानल्या जातात.