पाण्याच्या बॉटलवर झिकझॅक किंवा गोल लाइन्स का असतात? जाणून घ्या यामागचं रहस्य

Water Bottle Lines Facts : बऱ्याच लोकांना वाटतं की, पाण्याच्या बॉटलवरील लाइन्स डिझाइनचा भाग आहेत. पण मुळात यांच्या असण्याचा एक उद्देश आहे. तो काय हेच जाणून घेऊया.

Water Bottle Lines Facts : घरातून काही कामासाठी बाहेर पडल्यावर किंवा प्रवास करताना तहान भागवण्यासाठी पाण्याची बॉटल विकत घेणं फारच कॉमन झालंय. आपणही अनेकदा पाणी बॉटलची खरेदी केली असेल. आपण पाहिलं असेल की, पाणी कोणत्याही ब्रँडचं असली तरी काही बॉटलवर गोल लाइन्स किंवा काहींवर झिकझॅक अशा लाइन्स असतात. पण या लाइन्स कशासाठी असतात? बऱ्याच लोकांना वाटतं की, या लाइन्स डिझाइनचा भाग आहेत. पण मुळात यांच्या असण्याचा एक उद्देश आहे. तो काय हेच जाणून घेऊया.

बॉटलवरील लाइन्स कशासाठी?

पाण्याच्या बॉटलवरील गोल किंवा झिकझॅक लाइन्सना टेक्निकल भाषेत 'रिबिंग' किंवा 'ग्रिपिंग रिज' म्हटलं जातं. बॉटल बनवण्याच्या ब्लो मोल्डिंग प्रक्रियेदरम्यान लाटांसारख्या लाइन्स पाडल्या जातात. या लाइन्स केवळ डिझाइनसाठी नाही तर या पातळ प्लास्टिकला त्या जागांवर खास मजबूत करण्यासाठी बनवल्या जातात जिथे यांची जास्त गरज असते. या लाइन्स कमजोर भागाला आधार देतात, जेणेकरून बॉटल दबाव पडल्यावर फुगू नये किंवा फाटू नये. 

मजबूत पकडीसाठी मिळते मदत

आपण पाहिलं असेल की, थंड किंवा ओली असलेली बॉटल आपल्या हातून कधी घसरत नाही. याचं कारण या लाइन्स असतात. आपण हात घामाने भिजलेले असतील किंवा बॉटलवर थंड पाण्याचे थेंब असतील तेव्हा या लाइन्स घर्षण निर्माण करतात, ज्यामुळे बोटांची पकड मजबूत होते. वेगवेगळ्या टेस्टमधून समोर आलं आहे की, लाइन्समुळे पाणी हातापासून दूर जातं. ज्यामुळे व्यायाम करताना, धावपळीत किंवा ट्रॅकिंग करताना बॉटल हातातून निसटत नाही. 

बॉटल होते अधिक मजबूत

गोदाम, दुकाने किंवा ट्रकांमध्ये बॉटलचे बॉक्स एकावर एक ठेवले जातात. ज्यामुळे त्यांवर अधिक दबाव पडतो. अशात बॉटलवरील या झिकझॅक किंवा गोल लाइन्स सुरक्षा देतात. याने दबाव कमी होतो आणि बॉटल पिचकण्याचा धोका कमी होतो. 

इंजिनीअर्सनी नॅचरल हनीकॉम्ब डिझाइनमधून प्रेरणा घेऊन कमजोर भागाला एका मजबूत ग्रिडमध्ये बदललं. ज्यामुळे बॉटल सहजपणे फ्रिज किंवा गोदामात न वाकताही सरळ उभी राहू शकते.  

प्रॉडक्शन आणि लेबलिंगमध्ये मदत

बॉटलचं प्रॉडक्शन केलं जातं तेव्हा प्लास्टिक थंड होऊन आकुंचन पावतं, तेव्हा या लाइन्स हवेला सहजपणे बाहेर निघण्याचा रस्ता दाखवतात, ज्यामुळे बॉटलचा आकार बिघडत नाही. त्याशिवाय या झिकझॅक किंवा गोल लाइन्समुळे बॉटलवर कंपन्यांचे लेबलही चांगल्याप्रकारे चिकटून बसतात.