रेल्वेतील टॉयलेटच्या बाहेर WC लिहिलेलं असतं, पण त्याचा नेमका अर्थ काय? माहीत नसेल तर आता जाणून घ्या...

Railway Facts : भारतातील अनेक प्रीमिअम रेल्वेंमधील टॉयलेटच्या बाहेर आणि आतील फ्लश बटणाजवळ WC लिहिलेलं असतं. पाहा काय होतो याचा अर्थ...

Railway Facts : आपण रेल्वेने प्रवास करताना अनेक नवीन गोष्टी पाहिल्या असतील आणि अनुभवल्या असतील. रेल्वेमध्ये लावलेल्या किंवा दिसत असलेल्या गोष्टींबाबत अनेकांना प्रश्नही पडत असतील. या गोष्टींचा उद्देश काय किंवा त्या कशासाठी असतील असाही प्रश्न पडला असेलच. रेल्वेच्या छतावरील गोल झाकणं असेल, प्लॅटफॉर्मवर ठेवलेले ब्लॅक बॉक्स असतील किंवा डब्यांवर लिहिलेले वेगवेगळे कोड्स किंवा नंबर असतील, त्यांबाबत प्रश्न पडणं साहजिक आहे. सगळ्याच गोष्टींची उत्तरं आपल्या माहीत असतीलच असं नाही.

आपण रेल्वेच्या टॉयलेटचा देखील अनेकदा वापर केला असेल. भारतातील अनेक प्रीमिअम रेल्वेंमधील टॉयलेटच्या बाहेर आणि आतील फ्लश बटणाजवळ WC लिहिलेलं असतं. WC आपल्याला बोर्डवर लिहिलेलं किंवा डिजिटल मीटरवर रनिंग फॉर्मॅटमध्ये लिहिलेलं दिसतं. पण WC का लिहिलेलं आणि याचा अर्थ तरी काय असतो, हे आज आपण पाहणार आहोत.

WC चा अर्थ काय?

आपल्याला कदाचित माहीत नसेल की, WC चा फुलफॉर्म वॉटर क्लोसेट (Water Closet) असा होतो. 'वॉटर क्लोजेट' (Water Closet - WC) म्हणजे मराठीत शौचालय, संडास किंवा पाण्याची टँक होय. हे असे शौचालय आहे, ज्यामध्ये मानवी मलविसर्जनानंतर पाणी वापरून ते स्वच्छ करण्याची व्यवस्था असते. सार्वजनिक ठिकाणी हे अनेकदा 'WC' या नावाने ओळखले जाते, ज्याचा 'पाण्याचे कपाट' किंवा टँक असा अर्थ आहे.

WC द्वारे भारतीयांसहीत परदेशी प्रवाशांना हे दर्शवलं जातं की, शौचालय कोणत्या प्रकारचं आहे. हे प्रामुख्याने पाण्याचा वापर करून स्वच्छता राखणारे एक आधुनिक शौचालय आहे. बरं WC असं फक्त रेल्वेतच नाही तर रेल्वे स्टेशन, एअरपोर्ट, शॉपिंग मॉल, कॉम्प्लेक्ससहीत अनेक जागांवर टॉयलेट बाहेर लिहिलेलं असतं. 

गेटजवळच्या खिडकीला जास्त रॉड का?

रेल्वेच्या दरवाज्या जवळच्या असलेल्या खिडकीला जास्त रॉड असण्यामागे खूप महत्वाचं असं कारण असतं. हे कारण म्हणजे सुरक्षा असतं. दरवाज्या जवळच्या खिडकीमधून चोरी होण्याचा धोका अधिक असतो. चोर अनेकदा या खिडकीतून चोरी करताना आढळले होते. दरवाज्या जवळच्या पायऱ्यांवरून या खिडकीपर्यंत सहज पोहोचता येतं.

सामान्यपणे रात्रीच्या वेळी जेव्हा लोक झोपलेले असतात, तेव्हा चोर या खिडक्यांमधून सहजपणे प्रवाशांच्या वस्तू चोरी करत होते. ही समस्या टाळण्यासाठी या खिडक्यांना सामान्यापेक्षा अधिक रॉड लावण्यात येऊ लागले. जास्त रॉडमुळे यातील गॅप इतका कमी झाला की, त्यातून हात टाकणे अवघड होते. त्यासोबतच दरवाज्यावरील खिडकीला सुद्धा सामान्यापेक्षा अधिक रॉड लावलेले असतात. जेणेकरून रात्री रेल्वे रस्त्यात मधेच कुठे थांबली तर चोरांना त्यातून हात टाकून दरवाजा उघडता येऊ नये.