चीनच्या लाल झेंड्यावरील 5 ताऱ्यांचा नेमका अर्थ काय? जाणून घ्या काय दर्शवतात हे 5 तारे...

China Interesting Facts : चीनच्या ध्वजावर दिसणारे तारेही विशेष अर्थ सांगतात. पण या पाच ताऱ्यांचा अर्थ नेमका काय, ते काय दर्शवतात हे आपल्याला माहीत नसेल....तेच जाणून घेऊया.

China Interesting Facts : जगातील प्रत्येक देशाचा राष्ट्रीय ध्वज खास अर्थ आणि उद्देश घेऊन तयार केलेला असतो. जसं भारताच्या भारतीय ध्वज मध्ये असलेलं अशोक चक्र प्रगती, गती आणि धर्म याचं प्रतीक आहे, तसंच चीनच्या ध्वजावर दिसणारे तारेही विशेष अर्थ सांगतात. पण या पाच ताऱ्यांचा अर्थ नेमका काय, ते काय दर्शवतात हे आपल्याला माहीत नसेल....तेच जाणून घेऊया.

चीनच्या ध्वजाचा इतिहास

मिडिया रिपोर्टनुसार किंग राजवंश (1862–1912) काळात पहिला ध्वज “पिवळा ड्रॅगन” होता. त्यानंतर चीन गणराज्य (1912–1928) मध्ये पाच रंगांचा ध्वज वापरला गेला. पुढे लाल पार्श्वभूमी, निळा भाग आणि पांढरा सूर्य असलेला ध्वज स्वीकारला गेला जो आज तैवान वापरतो.

सध्याच्या ध्वजाची रचना

चीनचा सध्याचा ध्वज हा क्रांती, इतिहास आणि एकतेचं प्रतीक आहे. काही रिपोर्टनुसार, 1949 मध्ये चीनी कम्युनिस्ट पार्टीने नवीन ध्वजासाठी स्पर्धा घेतली होती. 3000 पेक्षा जास्त डिझाइनमधून झेंग लियानसोंग यांची रचना निवडली गेली. लाल पार्श्वभूमी आणि 5 पिवळे तारे असा ध्वज निश्चित झाला.

ध्वजावरील तार्‍यांचा अर्थ

लाल रंग - क्रांती, साम्यवाद आणि बलिदान दर्शवतो.

मोठा तारा - चीनी कम्युनिस्ट पार्टीचे प्रतिनिधित्व

चार छोटे तारे - समाजातील चार वर्गांचे प्रतीक जसे की, कामगार वर्ग, शेतकरी वर्ग, शहरी निम्न मध्यमवर्ग आणि राष्ट्रीय भांडवलदार वर्ग.

एकंदर काय तर चीनच्या ध्वजावरील 5 तारे हे फक्त डिझाइन नसून, ते कम्युनिस्ट पार्टीच्या नेतृत्वाखालील समाजातील एकता आणि क्रांतीची ताकद दर्शवतात.