Video : चॉकलेट पान, फायर पाननंतर बाजारात आलंय नवं 'डान्सिंग पान'! व्हिडीओ बघाच

आजवर तुम्ही खायच्या पानाचे अनेक वेगवेगळे प्रकार पाहिले असतील. चॉकलेट पान, बनारसी पान ते अगदी फायर पान यांची चवही घेतली असेल. पण, सध्या बाजारात ट्रेंडमध्ये आलेलं नवं डान्सिंग पान पाहिलंत का?. या डान्सिंग पानाचा व्हिडीओ सध्या सोशल मीडियावर व्हायरल होतो आहे. एका लग्न सोहळ्यात हे डान्सिंग पान पाहायला मिळालं आहे. लग्न समारंभातील या पानाच्या स्टॉलने सगळ्यांचेच लक्ष वेधून घेतले आहे. हे डान्सिंग पान लोकांना इतकं आवडलं की, लग्नाचा समारंभ सोडून सगळ्यांनी या स्टॉलवरच गर्दी केली आहे.

लग्न ही प्रत्येकाच्या आयुष्यातील एक अविस्मरणीय आठवण असते. या खास क्षणांना आणखी खास बनवण्यासाठी लोक वेगवेगळे प्रकार करत असतात. हल्ली लग्न समारंभामध्ये जेवण आणि नाश्त्यासोबतच पानाचा काऊंटर देखील आवर्जून ठेवला जातो. अशाच एका लग्नातील पानाच्या काऊंटरने सगळ्यांचे लक्ष वेधून घेतले आहे. लग्नातील पानवाल्याचा व्हिडीओ सध्या सोशल मीडियावर प्रचंड व्हायरल होत आहे. या पानवाल्याने आपल्या पान काउंटरला चक्क 'बँडवाल्यांचा' अंदाज दिला आहे.

पान आणि परफॉर्मन्सचा धमाका

या व्हायरल व्हिडीओमध्ये पान बनवणारे लोक पारंपरिक बँडवाल्यांचे पोशाख परिधान करून जोशात नाचताना आणि गाताना दिसतात. पान बनवतानाच ते पाहुण्यांचे मनोरंजनही करत आहेत. या हटके सादरीकरणामुळे उपस्थित पाहुणे केवळ पानच नाही, तर त्यांच्या परफॉर्मन्सचाही आनंद घेताना दिसतात. पाहुणे नुसतेच चविष्ट पानाचा आस्वाद घेत नाहीत, तर त्या क्षणाचा आनंद लुटत आहेत. लोकांनी याला डान्सिंग पान असं नाव दिलं आहे. 

पानवाल्याचा परफॉर्मन्स ठरतोय ‘हिट’

पान तयार करताना नाचणाऱ्या या कलाकारांचा उत्साह, शैली आणि पान बनवण्याची सफाई पाहून सोशल मीडियावरील अनेक युजर्स थक्क झाले आहेत. या व्हिडीओवर हजारो लोकांनी प्रतिक्रिया दिल्या असून, अनेकांनी त्यांच्या क्रिएटिव्ह आयडियाचं भरभरून कौतुक केलं आहे.

हा धमाल व्हिडीओ deoria_mems या इंस्टाग्राम अकाउंटवरून शेअर करण्यात आला असून, यावर प्रेक्षकांनी लाईक्स आणि कमेंट्सचा वर्षाव केला आहे. अनेकांनी म्हटलंय की, असा डान्सिंग पान स्टॉल त्यांनी आजवर कधीच पाहिला नव्हता.