मुंबई : सध्या जोरदार विरोधाचा सामना करत असलेल्या पद्मावती या चित्रपटातील घुमर हे गाणं युट्यूबवर चांगलंच गाजतंय. दीपिका पदुकोणची एक वेदळीच अदाकारी या गाण्याच्या माध्यमातून प्रेक्षकांपर्यंत आली. या गाण्यातूनच या चित्रपटातील सेटची भव्यता आणि संजय लीला भन्साळी यांनी केलेला खर्च दिसतोय. घुमर नृत्यासाठी दीपिकाचं चांगलंच कौतुकही झालं. म्हणूनच की काय दीपिकाला टक्कर देण्यासाठी चक्क गोरिल्लानेही या गाण्यावर ठेका धरलाय. घुमरच्या गाण्यावर ठेका धरणाऱ्या एका गोरिल्लाचा व्हिडिओ सध्या सोशल मीडियावर प्रचंड व्हायरल झालाय. हा व्हिडिओ स्पूफ व्हिडिओ असला तरी नेटिझन्सने या व्हिडिओला चांगलाच प्रतिसाद दिलाय.
पद्मावतीसंदर्भात अधिक बातम्यांसाठी येथे क्लिक करा
पद्मावती चित्रपट चित्रीकरणापासूनच वादाच्या भोवऱ्यात अडकलाय. हा चित्रपट १ डिसेंबरला प्रर्दशित होणार होता. मात्र निर्मात्यांनी आता ही तारीख पुढे ढकलली आहे. पण या चित्रपटातील घुमर आणि एक दिल एक जान हे गाणं प्रेक्षकांनी चांगलंच उचलून धरलंय. घुमर हे गाणं प्रदर्शित झाल्यापासूनच प्रेक्षकांनी तुफान प्रतिसाद दिला. दीपिका पदुकोणला टफ देण्यासाठी घुमर या गाण्याचे अनेक व्हिडिओ समोर आले आहेत. पण दीपिका पदुकोणसमोर सगळेच फिके पडले. मात्र तिला आव्हान देण्याकरता चक्क गोरिल्लाने उडी मारलीय आणि त्याने हे आव्हान चांगल्या पद्धतीने पेललंसुद्धा. सोशल मीडियावर व्हायरल होणारा गोरिलाचा घुमर हा डान्स एक स्पूफ व्हिडिओ असला तरीही नेटिझन्सने या नृत्याचा चांगलाच आस्वाद घेतलाय. एका पाण्याच्या टबमध्ये गोरिल्लाने घुमर गाण्यावर घातलेला धुमाकूळ पाहता यापुढे दीपिका पदुकोणही फिकी पडतेय अशा प्रतिक्रिया उमटू लागल्या आहेत.
खरंतर गोरिल्ला टबमधील डान्स काही महिन्यांपूर्वीच समोर आला होता. मात्र आता कर्की क्लोथ्स ब्रँडने या व्हिडिओला स्पूफ व्हिडिओ बनवून तुफान व्हायरल केला. आतापर्यंत या व्हिडियोला १ कोटीहून अधिक व्ह्यूज मिळाले आहेत. मर्सलिस पार्क येथील डल्लास झूमधील हा गोरिल्ला आहे. २०१७ च्या सुरुवातीला हाच व्हिडिओ एका वेगळ्या कारणासाठी प्रसिद्धीस आला होता. मात्र आता घुमरचा फिव्हर बघता कर्की क्लोथ्स ब्रँडने हा याला घुमरचं गाणं देऊन पुन्हा शेअर केलाय.
सौजन्य - www.india.com