Weird News : ब्रिटनमधून एक फारच अनोखी आणि आश्चर्यकारक घटना समोर आली आहे. इथे एका बाळाचे वडील कोण याबाबत कोर्ट सुद्धा स्पष्टपणे उत्तर देऊ शकत नाहीये. हे प्रकरण एक महिला आणि जुळ्या भावांसंबंधी आहे. द सनच्या रिपोर्टनुसार, महिलेने जुळ्या भावांसोबत काही दिवसांच्या फरकाने संबंध ठेवले होते. याच कारणाने हे ठरवणं अवघड झालं आहे की, बाळाचा खरा पिता कोण आहे. हे अजब प्रकरण आधी फॅमिली कोर्टात गेलं. तिथे जन्माच्या दाखल्यावर असलेलं वडिलाचं नाव हटवण्यास कोर्टाने नकार दिला. नंतर हे प्रकरण कोर्ट ऑफ अपीलपर्यंत गेलं. इथे न्यायाधीशांनी यावर विस्ताराने सुनावणी केली.
बाळाचा पिता कोण?
कोर्टासमोर प्रश्न हाच होता की, डीएनएच्या माध्यमातून बाळाचा पिता कोण हे माहिती करून घेता येईल का? पण सुनावणीदरम्यान असं समोर आलं की, सध्या जी डीएनए टेक्निक आहे ती समान जुळ्या भावांमध्ये फरक करू शकत नाही. न्यायाधीशांनी हे मान्य केलं की, भविष्यात विज्ञान बरंच पुढे जाईल, पण सध्या तरी अशी काही टेक्निक उपलब्ध नाहीये. असेल तर खूप महागडी असेल. कोर्टाने स्पष्ट सांगितलं की, सध्या तरी सत्य हेच आहे की, बाळाचा पिता दोघांपैकी कुणीतरी एक आहे. पण हे ठरवणं अवघड आहे की, कोण.
सुनावणीदरम्यान सांगण्यात आलं की, दोन्ही भावांनी महिलेसोबत संबंध तेव्हाच ठेवले जेव्हा बाळाचा गर्भधारणा झाली होती. त्यामुळे दोघेही पिता असण्याची शक्यता योग्य आहे. कोर्टाने सध्या जन्म दाखल्याहून नोंदवलेल्या व्यक्तीची पेरेंटल जबाबदारी हटवली आहे. पण हेही स्पष्ट केलं की, याचा अर्थ असा नाही की, तो पिता नाही.
डीएनएतून का स्पष्ट होत नाही?
जुळे एकच अंड आणि शुक्राणूपासून तयार होतात. त्यामुळे त्यांचा डीएनए जवळपास एकसारखाच असतो. हेच कारण आहे की, सामान्य डीएनए टेस्ट त्याना वेगळं करू शकत नाही.
Web Summary : A British woman's relationship with twin brothers has led to a paternity mystery. Standard DNA tests couldn't identify the father of her child. The court acknowledged the scientific limitations, leaving the child's true parentage unresolved. The birth certificate was amended, but paternity remains uncertain.
Web Summary : ब्रिटेन में एक महिला का जुड़वां भाइयों के साथ संबंध पितृत्व रहस्य बन गया है। सामान्य डीएनए परीक्षण बच्चे के पिता की पहचान नहीं कर सके। अदालत ने वैज्ञानिक सीमाओं को स्वीकार किया, जिससे बच्चे का असली पितृत्व अनसुलझा रह गया। जन्म प्रमाण पत्र में संशोधन किया गया, लेकिन पितृत्व अनिश्चित है।