टूथब्रशमुळे झाला पतीच्या एक्स्ट्रा मॅरिटल अफेअरचा भांडाफोड, महिलेला बसला धक्का...

Viral News : तुम्हाला वाचून आश्चर्य वाटेल की, महिलेला तिच्या पतीच्या एक्स्ट्रा मॅरिटल अफेअरची सुगावा एका टूथब्रशच्या माध्यमातून लागला.

Viral News : अनेकदा तुम्ही वाचलं असेल की, एका पतीनं त्याच्या पत्नीला दुसऱ्यासोबत रंगेहाथ पकडलं किंवा पत्नीनं पतीचं अफेअर उघड केलं. एक्स्ट्रा मॅरिटल अफेअरच्या अनेक अजब घटना समोर येत असतात. अनेकदा तर खूप नाटकीय पद्धतीनं या गोष्टींचा खुलासा होतो. ब्रिटनमधील एका महिलेला तिच्या पतीच्या अफेअरची माहिती एका वेगळ्या वस्तूमुळे मिळाली. ज्यावर कुणाचाही सहज विश्वास बसणार नाही. तुम्हाला वाचून आश्चर्य वाटेल की, महिलेला तिच्या पतीच्या एक्स्ट्रा मॅरिटल अफेअरची सुगावा एका टूथब्रशच्या माध्यमातून लागला.

झालं असं की, महिला आपल्या मुलांना ब्रश करण्याची सवय लावण्यासाठी एका स्मार्ट अॅपचा वापर करत होती. हे अ‍ॅप टूथब्रशसोबत सिंक होत होतं आणि याची माहिती देत होतं की, ब्रश कधी आणि किती वेळ करण्यात आलं. ही सुविधा मुलांच्या हेल्थ ट्रॅकिंगसाठी होती. मात्र, याद्वारे तिला तिच्या पतीच्या अफेअरबाबत समजलं.

कसा झाला खुलासा?

महिलेने सुरूवातीला नोटीस केलं की, ब्रशचा वापर अशावेळी केला जात आहे, जेव्हा घरी कुणीच नसतं. खासकरून शुक्रवारी सकाळी. यावेळी सामान्यपणे महिलेचा पती ऑफिस राहत होता. आधी तर महिलेला हा केवळ एक योगायोग वाटला. पण दर शुक्रवारी तिला तेच दिसू लागलं. तेव्हा तिचा संशय आणखीन वाढला.

महिलेनं आणखी खोलात जाऊन माहिती घेतली तर तिच्या लक्षात आलं की, तिचा पती शुक्रवारी ऑफिसला न जाता घरीच राहत होता आणि तो एका महिला सहकाऱ्यासोबत वेळ घालवत होता. महिलेच्या हेही लक्षात आलं की, टूथब्रशचा वापर तेव्हाच होत होता जेव्हा ते दोघे घरात एकटे राहत होते. टूथब्रशचा कनेक्शन अ‍ॅपसोबत तसंच राहिलं आणि सगळा डेटा पतीची पोलखोल करत राहीला.

ही घटना सोशल मीडियावर समोर येताच चांगलीच चर्चा रंगली. लोक वेगवेगळ्या प्रतिक्रिया देऊ लागले. कुणी म्हणाले की, "टूथब्रश नातं तोडलं". तर कुणी म्हणाले की, "आता महिलेचा पती आयुष्यात पुन्हा कधीच ब्रश करणार नाही".