उंची बनली समस्या! 6 फूट उंच मॉडेलला मिळत नाही बॉयफ्रेंड; सांगितली 'मन की बात'

मॅरीला तिच्या उंचीनुसार मुलगा शोधण्यासाठी धडपड करावी लागली.

सुंदर चेहरा, चांगली उंची आणि परफेक्ट फिगर असावी हीच प्रत्येकाची इच्छा असते. पण एका मुलीचा दावा आहे की तिला तिच्या उंचीमुळे त्रासाला सामोरे जावे लागले. उंच असूनही तिला बॉयफ्रेंड शोधण्यात अडचण येत होती. 6 फूट 2 इंच उंचीच्या या मुलीने स्वतःची गोष्ट सांगितली आहे. मॅरी तेमारा असे या मुलीचं नाव आहे. अमेरिकेतील फ्लोरिडा येथे राहणारी 28 वर्षीय मॅरी ही व्यवसायाने मॉडेल आहे.

मॅरीला तिच्या उंचीनुसार मुलगा शोधण्यासाठी धडपड करावी लागली. 6 फुटांपेक्षा जास्त उंचीमुळे तिच्यासाठी डेटिंग करणे जवळजवळ अशक्य झाले. मॅरी सांगते की, एकदा तिला डेटिंग साइटवर 6 फूट 3 इंच उंचीचा मुलगा भेटला. पण ती त्याला भेटायला गेली तेव्हा तो मुलगा 5 फूट 11 इंचाचा निघाला. त्याने साइटवर त्याच्या उंचीबद्दल खोटे सांगितले. ती उंचीमुळे ट्रोल झाली. तिला कधीच बॉयफ्रेंड मिळणार नाही असं लोक म्हणतात.

मॅरी म्हणाली- मी कोणत्याही उंचीच्या मुलांना डेट करायला तयार आहे. मग तो लहान असो वा मोठा. काही फरक पडत नाही. मॅरीने सांगितले की तिच्या वडिलांची उंची 6 फूट 3 इंच आहे. तर आईची उंची 6 फूट 5 इंच आहे. एक भाऊ 6 फूट 9 इंच आणि दुसरा 6 फूट 10 इंच आहे. तिच्या घरातील प्रत्येकाची उंची सहा फुटांपेक्षा जास्त आहे. एक-दोन नातेवाईक अगदी 7 फुटाचे आहेत, ज्यांना पाहून आजूबाजूचे लोक आश्चर्यचकित झाले. कुटुंबाची उंची हा परिसरात चर्चेचा विषय आहे.
 
मॅरीला एक उंच महिला असल्याच्या आव्हानांना सामोरे जावे लागते. कपडे आणि बूट शोधण्यात अडचण येते. सामान्य लोकांपेक्षा उंच असल्याने कारमध्ये बसणे कठीण जाते. घराचे दरवाजे आणि पलंग लहान होतात.  काही प्रकरणांमध्ये उंचीचा फायदा देखील होतो. ती व्हॉलीबॉल, बास्केटबॉल इत्यादी खेळ खूप छान खेळते. ती क्रीडा उपक्रमात सक्रिय सहभाग घेते. अॅथलीट असण्यासोबतच मेरी मॉडेलिंगही करते. सोशल मीडियावर तिचे जबरदस्त फॅन फॉलोअर्स आहे. इन्स्टाग्रामवर त्याचे 7 लाखांहून अधिक फॉलोअर्स आहेत. एका हिंदी वेबसाईटने याबाबतचे वृत्त दिले आहे. 

सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"