Latest Jarahatke News | Jarahatke Marathi News | Latest Jarahatke News in Marathi | जरा हटके: ताज्या मराठी बातम्या

जगात टेक्नॉलॉजीमुळे नेहमीच चर्चेत राहणाऱ्या जपानने पुन्हा एकदा जगाला थक्क करणारा शोध लावला आहे. यावेळी रोबोट किंवा एआयमुळे नव्हे, तर माणसांना धुण्यासाठी बनवलेल्या एका वॉशिंग मशीनमुळे जपान चर्चेत आहे. ही 'ह्युमन वॉशिंग मशीन' आता जपानमध्ये अधिकृतपणे विक्रीसाठी उपलब्ध झाली आहे आणि तिची लोकप्रियता पाहून जगभरात आश्चर्य व्यक्त केले जात आहे. जगामध्ये पहिल्यांदाच अशी व्यावसायिक 'ह्युमन वॉशर' मशीन बाजारात आली आहे, जी तंत्रज्ञान आणि आरोग्याच्या दृष्टीने एक अद्भुत संकल्पना आहे.काय आहे ही 'ह्युमन वॉशर' मशीन?जपानी कंपनी 'सायन्स'ने ही खास मशीन बाजारात आणली आहे. एका हाय-टेक स्पा आणि वॉशिंग मशीनचे हे एकत्रित स्वरूप आहे. वापरकर्ता एका पॉडसारख्या चेंबरमध्ये आत झोपतो. झाकण बंद झाल्यावर मशीन स्वयंचलितपणे संपूर्ण शरीर स्वच्छ करते. ही संपूर्ण प्रक्रिया अगदी कपड्यांच्या वॉशिंग मशीनसारखी आहे, फक्त यात 'स्पिन मोड' नसतो. शरीराची धुलाई होत असताना, पार्श्वभूमीवर मन शांत करणारे संगीत ऐकायला मिळते. कंपनीचा दावा आहे की, ही मशीन केवळ शरीरच नाही, तर 'आत्म्यालाही' शुद्ध करते!१९७०च्या संकल्पनेचे आधुनिक रूपहा शोध अचानक लागलेला नाही. १९७० मध्ये ओसाका एक्सपोमध्ये दाखवलेल्या एका संकल्पनेचे हे आधुनिक आणि सुधारित रूप आहे. कंपनीचे अध्यक्ष लहानपणी या मशीनमुळे प्रेरित झाले होते आणि आता दशकानंतर त्यांनी ही कल्पना प्रत्यक्षात आणली आहे.आरोग्यावरही ठेवते लक्ष!या मशीनची एक खास गोष्ट म्हणजे, ती केवळ शरीर स्वच्छ करत नाही, तर आरोग्याची देखरेख देखील करते. ही मशीन वापरकर्त्याचे हृदयाचे ठोके, शरीराचे इतर महत्त्वाचे सिग्नल आणि आरोग्यविषयक प्रतिक्रिया रिअल-टाइममध्ये ट्रॅक करते.किंमत ६० मिलियन येन; फक्त ५० युनिट्स!ओसाकामध्ये झालेल्या वर्ल्ड एक्सपोमध्ये या मशीनचा प्रोटोटाइप पाहण्यासाठी २.७ कोटी लोकांनी भेट दिली होती आणि याची लांबच लांब रांग लागली होती.ओसाका येथील एका हॉटेलमध्ये ही पहिली मशीन बसवण्यात येत आहे. हॉटेलचे पाहुणे ही सेवा वापरू शकतील. जपानची मोठी इलेक्ट्रॉनिक्स रिटेल चेन 'यामादा डेन्की' देखील ही मशीन आपल्या स्टोअरमध्ये ठेवणार आहे, जेणेकरून लोक ती पाहू शकतील आणि अनुभव घेऊ शकतील.कंपनीने या मशीनचा क्रेझ वाढवण्यासाठी केवळ ५० युनिट्स बनवणार असल्याचे स्पष्ट केले आहे. एका युनिटची किंमत जवळपास ६० मिलियन येन म्हणजेच सुमारे ३.३७ कोटी रुपये इतकी आहे.

Jarahatke (Marathi News)

Sunny Leone : शेताजवळ बॉलिवूड अभिनेत्री सनी लिओनीचे मोठे पोस्टर लावत आहेत. ...

Malaysia Missing Plane : ही घटना जगभरातील तज्ज्ञ, वैज्ञानिक आणि विमानन क्षेत्रातील अभ्यासकांसाठी आजही एक मोठे कोडे आहे. ...

एका कर्मचाऱ्याने AI वापरून त्याच्या हातावर जखम निर्माण केली आणि मेडिकल लिव्ह घेतली. ...