'इथे' ताजी हवा मिळवण्यासाठी बस स्टॉप्स केले 'B-Stops' मध्ये रूपांतरित! 

प्रदूषण दूर करून लोकांना शुद्ध आणि प्रदूषणमुक्त हवा मिळावी म्हणून इथे चांगले उपाय केले जात आहेत.

नेदरलॅंडच्या यूट्रेक्सट शहरात एक अजब कारमाना करण्यात आला आहे. शहरातील ३१६ बस स्पॉप्सना B Stops मध्ये रुपांतरित करण्यात आलं आहे. बस स्पॉप्सचा हा नजारा फार सुंदर आणि आकर्षक वाटत आहे. बस स्टॉपचे छत सुंदर करण्यासाठी त्यावर सेडमची झाडे लावण्यात आली आहेत. प्रशासनकडून हा निर्णय हवा शुद्ध आणि प्रदूषणमुक्त करण्यासाठी घेतला आहे.

त्यासोबतच यामाध्यमातून पावसाचं पाणी देखील साठवलं जाईल. ज्याने उन्हात दिलासा मिळेल. तसेच यातून मधमाशांच्या Sanctuary रूपातही पाहिलं जात आहे. 

याबाबत प्रशासनाकडून सांगण्यात आलं आहे की, गेल्या काही वर्षांमध्ये नेदरलॅंडची शुद्ध करण्यासाठी वेगवेगळे उपाय केले गेले. पुढेही अशाप्रकारच्या गोष्टी करत राहू. बस स्टॉपची छतं केवळ मधमाशांसाठी स्टॉप नसेल तर यातून बायोडायवर्सिटीसाठीही मदत मिळेल. त्यासोबतच येणाऱ्या काही काळात सर्वच बस स्टॉपवर सिंगल सोलर पॅनलही लावलं जाईल.

(Image Credit : albertonrecord.co.za)

रिपोर्टनुसार, २०२८ पर्यंत शहरातील नागरिकांना पूर्णपणे कार्बनमुक्त वाहतूक सेवा देण्याचा प्लॅन केला जात आहे. आता ही योजना किती यशस्वी होईल हे येणाऱ्या काळात बघायला मिळेल. पण निदान हे प्रयत्न केले जात आहेत, हे वाखाणण्याजोगं आहे. खरंतर प्रदूषण दूर करण्यासाठी सर्वच देशांनी महत्वपूर्ण पाऊल उचलणं गरजेचं आहे.