Mother Has Affair with Daughter’s Best Friend: तुम्ही नेहमीच ऐकलं असेल की, प्रेम आंधळं असतं. कोण कधी कुणाच्या प्रेमात पडेल काही सांगता येत नाही. प्रेमात पडणारे लोक वयातील अंतरही बघत नाही आणि जात-धर्मही बघत नाहीत. कधी एखादी तरूणी वृद्ध व्यक्तीच्या प्रेमात पडते तर कधी एखादी जास्त वयाची महिला तरूणाच्या प्रेमात पडू शकते. असंच काहीसं एका तरूणीसोबत झालं. या तरूणीची आई तिच्याच बेस्ट फ्रेंडच्या प्रेमात पडली.
मिररच्या रिपोर्टनुसार, तरूणीने स्वत: रेडिट साइटवर तिच्यासोबत घडलेली घटना सांगितली. तिने सांगितलं की, तिचाच बेस्ट फ्रेंड आता तिचा सावत्र पिता होणार आहे. तरूणीच्या आईने आपल्याच मुलीच्या सगळ्यात चांगल्या मित्रासोबत नातं पुढे नेलं. त्यांनी त्यांच्या अफेअरची खबर कुणालाही लागू दिली नाही.
तरूणीने तिच्या पोस्टमध्ये सांगितलं की, तिची भेट तिच्या बेस्ट फ्रेंडसोबत कॉलेजमध्ये 5 वर्षाआधी झाली होती. तेव्हापासून ते चांगले मित्र आहेत. कोविड लॉकडाऊन दरम्यान जेव्हा त्याला घराची गरज होती तेव्हा तरूणीच्या आईने घरात एका रिकाम्या रूममध्ये त्याला शिफ्ट होण्यास सांगितलं आणि त्यानंतर ते सोबतच वेळ घालवत होते. यादरम्यान तरूणीची आई या तरूणाच्या प्रेमात पडली. याबाबत तरूणीला काहीच माहीत नव्हतं.
21 वर्षीय तरूणीने सांगितलं की, तिच्या 43 वर्षीय आईला 10 वर्ष एकटी राहिल्यानंतर आता रिलेशनशिपमध्ये रहायचं आहे. पण तिला याचा जराही अंदाज नव्हता की, हे तिच्या मित्रासोबतच होईल. आई आणि मित्राने तिला याबाबत एका डिनट डेटवेळी सांगितलं. इतकंच नाही तर आईने तिला एंगेजमेंट रिंगही दाखवली. तरूणीला धक्का बसला आणि ती घर सोडून निघून गेली. तरूणी म्हणाली की, तिला आईसाठी हे वाईट नाहीये, पण ज्या पद्धतीने हे झालं त्याने तिला धक्का बसला आहे.