जपानमधील एक अब्जाधिश बिझनेसमनच्या तरूण पत्नीला अटक करण्यात आली आहे. २५ वर्षीय सुडोवर आरोप आहे की, तिने तिच्या ७७ वर्षीय पती 'डॉन जुआन'ची हत्या केली. रिपोर्ट्सनुसार, महिलेने डॉन जुआनसोबत लग्न केल्यावर केवळ तीन महिन्यात विष देऊन त्याची हत्या केली होती. डॉन जुआन उर्फ कोसुके नोजाकी जपानमधील मोठ्या बिझनेसमनपैकी एक होते. नोजाकीचा रिअल इस्टेट आणि दारूचा व्यवसाय होता.
तीन वर्षाआधी मे महिन्यात त्यांचा मृत्यू झाला होता आणि त्यांच्या शरीरात घातक ड्रग्स आढळून आलं होतं. मृत्यूआधी ते त्यांच्या पत्नीसोबत होते. नोजाकी हे सर्वातआधी २०१६ मध्ये चर्चेत आले होते जेव्हा त्यांनी आत्मचरित्र छापलं होतं. यात त्यांनी दावा केला होता की, त्यांनी ४ हजार महिलांसोबत शरीर संबंध ठेवले आहेत आणि त्यांनी या महिलांना लाखो-कोट्यावधी रूपये दिले आहेत. डॉन जुआन स्वत:ला स्पॅनिस प्लेबॉयसारखं सादर करत होते. (हे पण वाचा : कोरोना काळात २ हजार सेक्स स्लेवसोबत होता किम जोंग उन, 'या' महिलेने केला खळबळजनक दावा!)
नोजाकी वाकायामा हे आपल्या घरात मृत आढळून आले होते. पोलिसांनी प्रकरणाची चौकशी केली तर समोर आलं की, त्यांना विष देऊन मारण्यात आलंय. तसेच ही सुसाइड केस नाही. पोलिसांनी सांगितले की, मृत्युआधी नोजाकी आपल्या पत्नीसोबत डीनर करत होते. पोलिसांनुसार, सुडोने इंटरनेटवर विषारी ड्रग्सबाबत माहिती शोधली होती आणि ते आपल्या पतीला दिलं होतं.
या प्रकरणी पोलिसांनी सांगितले की, हे अजून स्पष्ट होऊ शकलं नाही की, या महिलेने आपल्या पतीला कार मारलं. पण हे स्पष्ट आहे की, नोजाकीने आपल्या मृत्युपत्रात म्हटलं होतं की, ते त्यांची १.३ बिलियनची प्रॉपर्टी शहराच्या विकासासाठी दान करतील. (हे पण वाचा : बोंबला! चीनमध्ये महिला त्यांच्या पतींना खाऊ घालत आहेत नपुंसक होण्याचं औषध, पण का भौ?)
नोजाकी यांनी आपल्या ऑटोबायोग्राफीमध्ये लिहिले होते की, त्याचा पैसा कमावण्याचा एक मुख्य उद्देश हा आहे की, त्याला आकर्षक महिलांना डेट करायचं आहे. हे त्यांचं पैसा कमावण्याचं मोटिवेशन होतं. रिपोर्ट्सनुसार, नोजाकीने सपोरो येथे राहणारी सुडोला विचारले होते की, तुला माझ्या आयुष्यातील अखेरची महिला होणं आवडेल का?
स्थानिक मीडियानुसार, सुडोने या नात्याला होकार दिला होता. पण तिने ही बाब तिच्या घरी सांगितली नव्हती. तिने घरातील लोकांपासून नोजाकीसोबतचं नातं लपवून ठेवलं होतं. ती घरच्या लोकांनी सांगत होती की, ती स्टॉक ट्रेडिंगच्या माध्यमातून चांगला पैसा कमावत आहे.