१० अ‍ॅस्ट्रोनॉट एका स्पेस मिशनवर जातात. पण अंतराळ यानात १० लोकांमध्ये एक भोंदूही आहे. जो हे मिशन फेल करण्यासाठी आलाय. स्पेसशिपवर पुन्हा पुन्हा काहीना काही समस्या होत आहेत. एका पाठोपाठ एक अ‍ॅस्ट्रोनॉट मरत आहेत. आता क्रू मेंबर्सकडे केवळ दोन पर्याय शिल्लक आहेत. एक म्हणजे स्वत:ला जीव वाचवत मिशन पूर्ण करा नाही तर त्यांच्यातील भोंदू माणसाला ओळखून त्याला बाहेर फेका.
ही कोणत्या सिनेमाची कथा नक्कीच नाही. हा एका गेमचा प्लॉट आहे. या गेमचं नाव आहे Among Us. पबजी गेम बंद झाल्यापासून या गेमची चांगलीच चर्चा रंगली आहे. हा नक्कीच पबजीसारखा हाय-फाय गेम नाही. याचे ग्राफिक्सही सामान्य आहेत. पण हा गेम हा कोणत्याही स्वस्त फोनवर चांगला चालतो.
ऑगस्ट-सप्टेंबरमध्ये झाला सर्वात जास्त डाऊनलोड
Among Us हा काही नवा गेम नाही. २०१८ मध्ये हा गेम तयार केला आहे. Among Us गेमची क्रेझ यावर्षी ऑगस्ट आणि सप्टेंबर दरम्यान खूप वाढलली. त्याआधी सगळे गेमर पबजीच्या नादात अढकले होते. पण आता हा गेम भारतासह अमेरिका, मेक्सिको आणि साउथ कोरियातही लोकप्रियता मिळवत आहे. गूगल प्ले स्टोरवर हा गेम टॉपवर आहे. सेन्सर टॉवर नावाची एक एजन्सी आहे जी मोबाइल अॅप्लिकेशनच्या डाऊनलोड नंबरवर लक्ष ठेवून असते. त्यांनी सांगितले की, अ‍ॅन्ड्रॉइड आणि आयफोन मिळून हा गेम आतापर्यंत ८.६ कोटींपेक्षा जास्त वेळा डाऊनलोड झाला आहे.
काय आहेत गेमचे नियम?
गेममध्ये दोन भाग आहेत. एक म्हणजे क्रू आणि दुसरा म्हणजे भोंदू. क्रू आपले टास्क पूर्ण करतो. भोंदू व्यक्तीने काही गडबड केलेली ठीक करतात. आपला साथीदार मिळाला तर रिपोर्ट करणे आणि कुणावर संशय आला तर मिटींग बोलवणे. क्रू अ‍ॅडमिन रूममध्ये लावण्यात आलेला लाइव्ह मॅप आणि सिक्युरिटी रूममध्ये असलेल्या सीसीटीव्ही फुटेज बघूनही भोंदूचा शोध घेऊ शकतात.
भोंदू व्यक्तीचं काम असतं की, त्याने क्रू मेंबर्ससोबत मिळून-मिसळून रहावं. टास्क करण्याचं नाटक करावं. जेणेकरून कुणाला त्याच्यावर संशय येऊ नये. स्पेस शिपमध्ये अडचणी निर्माण करणे आणि एकटा फिरत असलेल्या क्रू मेंबरला जीवे मारणे. भोंदू हेच करून दुसऱ्या ठिकाणावर जाऊ शकतो. गेमला सुरूवात झाल्यावर सिस्टीम आपोआप एका प्लेअरला इंम्पोस्टर म्हणजे भोंदू बनवू शकतो.
हा गेम तुम्ही मित्रांसोबत वाय-फायच्या मदतीने खेळू शकता. किंवा ऑनलाइन रूम तयार करूनही खेळू शकता. ऑनलाइन मोडवर तुम्ही जगातल्या लोकांसोबतही हा गेम खेळू शकता. तसेच प्रायव्हेट गेम लावून मित्रांसोबत खेळू शकता. गेमचा होस्ट गेममधील नियम बदलू शकतो. जसे की, डिस्कशनचा वेळ, वोटिंगचा वेळ, प्लेअरची स्पीड इत्यादी. इंपोस्टर हेही ठरवू शकतो की, खेळात किती इंपोस्टर असावे. १० लोकांपैकी जास्तीत जास्त ३ इंपोस्टर होऊ शकतात.
मजेदार टप्पा
गेममध्ये बोलण्याची परवानगी नाही. माइकचाही वापर होत नाही. जे काही सांगायचंय ते लिहून सांगावं लागतं. तेही तेव्हा जेव्हा क्रू मेंबरची डेडबॉडी सापडे किंवा इमरजन्सी मीटींग होते. तेव्हाच इंपोस्टर कोण आहे याचं डिस्कक्शन सुरू होतं.
गेम लोकप्रिय होण्याचं गुपित
Among Us या गेम इतका डाऊनलोड होण्याचं कारण कोरोना सांगितलं जात आहे. मित्रांसोबत नाक्यावर बसून गप्पा तर करता येत नाही. त्यामुळे एकत्र हा गेम खेळता येऊ शकतो. दुसरं कारण म्हणजे गेम स्ट्रीम करणारे लोक आहेत. हे लोक दिवस-रात्र हा गेम खेळत आहे आणि त्याचं स्ट्रीमिंग दाखवत आहेत.
गेममध्ये काय कमतरता आहे?
या गेममध्ये जर पबजी किंवा कॉल ऑफ ड्यूटीसारखा बोलण्याचा पर्याय असता तर डिस्कक्शनवेळी अडचण झाली असती. सगळे एकमेकांशी बोलले असते तर काहीच समजलं नसतं. त्यामुळे Among Us मध्ये काही बोलण्यासाठी टायपिंगचा पर्याय आहे. पण यात अनेकदा अडचण येते.
Among Us किती स्टेज आहेत?
या गेममध्ये एकूण तीन स्टेज आहेत आणि प्रत्येक स्टेजमध्ये वेगवेगळे टास्क आहेत. पण जे जास्त गेम खेळत आहे ते नंतर कंटाळत आहेत. कारण पुन्हा पुन्हा सारखेच टास्क बदलून मिळत आहेत. गेमला नवे टास्क जोडण्याची गरज आहे. सोबतच नवीन स्टेजही.