यावेळी एआयबीसीसी कंपनीच्या प्रतिनिधींनी संपूर्ण प्रकल्पाचा सविस्तर डीपीआर मनपाकडे सादर करणार असल्याची माहिती या बैठकीत दिली. या बैठकीला स्थायी समिती सभापती राजेंद्र घुगे, नगरसेवक कैलास सोनवणे, नितीन लढ्ढा, रियाज बागवान, सुनील महाजन, विशाल त्रिपाठी, आणि एआयबीसीसी, झायलेम व सेनसिस कंपनीचे प्रतिनिधी उपस्थित होते.
एआयबीसीसी कंपनीने जळगाव शहराला पाणीपुरवठा करणारी नवीन सुसज्ज यंत्रणा बसवून देत मनपाला फायदा होईल असे,प्रकल्प सुचविणारा प्रस्ताव दिला होता. शनिवारी प्रस्तावावर विचारविनिमय करण्यासाठी पुन्हा कंपनीच्या प्रतिनिधींशी चर्चा करण्यात आली. यावेळी महापौर, आयुक्तांसह सर्वांनी प्रस्तावातील तांत्रिक आणि इतर बाबी समजून घेतल्या. कंपनीच्या प्रतिनिधींनी नगरसेवकांच्या शंकांचे निरसन केले. जळगाव शहराचा आणि आजवरच्या आकडेवारीचा तसेच भविष्यातील गुंतवणूक व वसुलीचा अभ्यास करून सविस्तर डीपीआर मनपाकडे लवकरात लवकर सादर करण्यात येईल असे कंपनीच्या अधिकाऱ्यांनी या बैठकीत सांगितले. दरम्यान या बैठकीत एक अत्याधुनिक वॉटर मीटर दाखवून त्याची वैशिष्ट्ये देखील कंपनीतर्फे सांगण्यात आली.