धरणगाव : तालुक्यातील साकरे येथील बा. च. भाटिया माध्यमिक विद्यालयात कोरोनाचे सर्व नियमांचे पालन करून शिक्षक दिवस उत्साहात साजरा करण्यात आला. यावेळी इयत्ता दहावीच्या विद्यार्थ्यांनी इयत्ता आठवी, नववी व दहावीच्या वर्गांवर विद्यार्थी शिक्षक म्हणून अध्यापनाचे कार्य केले. अध्यक्षस्थानी अनिल पाटील होते. मुख्याध्यापिका अनिता पाटील यांनी कोरोना काळातील शिक्षकांनी केलेले प्रयत्न याविषयी सांगितले.
विद्यार्थी शिक्षकांमधून पूर्वशी योगेश पाटील व उर्मिला नितीन बाविस्कर या विद्यार्थिनींनी आपले मनोगत व्यक्त केले. यावेळी निमझरी गावातील निवृत्त सैनिक विजय प्रकाश पाटील यांच्याकडून सर्व विद्यार्थ्यांना पेनांचे वाटप करण्यात आले. फर्जाना खाटीक व योगिता पाटील या विद्यार्थिनीने सूत्रसंचालन केले. स्वाती पाटील या विद्यार्थिनीने सर्वांचे आभार मानले.
050921\153-img-20210905-wa0032.jpg
फोटो कॅप्शन: साकरे शाळेचा मुख्याध्यापिका अनिता अनिता पाटील सोबत शिक्षक वृंद.