देवदूत पुस्तकाचे प्रकाशन

जळगाव : पोलीस दलात काम करून युवा क्रीडापटूंना मार्गदर्शन करणारे पोलीस रवींद्र वंजारी यांच्या हस्ते पोलीस प्रवाहाचे देवदूत या पुस्तकाचे प्रकाशन करण्यात आले. सोबत पोलीस निरीक्षक शंकर खटके, पोलीस उपनिरीक्षक सागर पडवल यांच्या हस्ते वंजारी यांचा सत्कार करण्यात आला. या पुस्तकाचे संपादन नवनाथ कपाले यांनी केले आहे.

धानवडवर फडकला भगवा

लोकमत न्यूज नेटवर्क

जळगाव : धानवड ग्रामपंचायतीवर शिवसेनेने भगवा फडकवला आहे. शिवसेनेचे उपजिल्हा प्रमुख रावसाहेब पाटील यांच्या परिवर्तन पॅनलने विजय मिळवला आहे.

धानवड ग्रामपंचायतवर शिवसेना उपजिल्हा प्रमुख रावसाहेब पाटील यांच्या परिवर्तन पॅनलने १३ पैकी १० जागा मोठ्या मताधिक्याने जिंकत प्रतिस्पर्धी राष्ट्रवादीचे माजी तालुका अध्यक्ष प्रा. पांडुरंग पाटील यांच्या ग्रामविकास पॅनलचा पराभव केला.