जिल्हा परिषद, पंचायत समिती व नगर परिषदेच्या आगामी निवडणुकीत पक्षाची अधिक ताकद वाढवयाची आहे. यासाठी पक्षाच्या सर्व कार्यकर्त्यांनी एकजुटीने काम करावे. पक्ष श्रेष्ठींच्या आदेशानुसार काम करू, असे प्रतिपादन राष्ट्रवादीचे नूतन तालुकाध्यक्ष राहुल पाटील यांनी भडगाव येथे पत्रकार परिषदेत केले.
नुकतीच तालुकाध्यक्षपदी राहुल पाटील यांची निवड झाल्याबद्दल पक्षाच्या पदाधिकाऱ्यांमार्फत त्यांचा सत्कार करण्यात आला. यावेळी पुढे बोलताना पक्षाचे नूतन तालुकाध्यक्ष राहुल पाटील म्हणाले की, संधीचे सोनं करून गाव तिथे शाखा स्थापन करणार व युवा जोडो अभियान करणार आहोत. १ बूथ १० युथ अभियान जोरात उभारू, आगामी जानेवारी व फेब्रुवारी जिल्हा परिषद, पंचायत समिती, नगर पालिका निवडणुकीसाठी मेळावे व पक्षवाढीसाठी मोठं काम करणार असल्याचे पाटील यांनी सांगितले.
यावेळी कार्याध्यक्ष हर्षल पाटील, जिल्हा प्रवक्ता भूषण पाटील, शहराध्यक्ष शामकांत भोसले, युवक अध्यक्ष स्वप्नील पाटील, असंघटित कामगार आघाडीचे प्रदेश नेते सुरेंद्र मोरे, जिल्हा महिला उपाध्यक्षा योजना पाटील, जिल्हा सरचिटणीस संदीप चव्हाण, युवकचे उपाध्यक्ष कुणाल पाटील, स्वदेश पाटील, शरद पाटील, भरत चव्हाण, मिलिंद अहिरे, रोहन परदेशी वाडे उपस्थित होते.