Jalgaon News | Latest Jalgaon News in Marathi | Jalgaon Local News Updates | ताज्यबातम्या जळगाव | जळगाव समाचार | Jalgaon Newspaper

लोकमत न्यूज नेटवर्कगुढे, ता. भडगाव : खेडगाव येथील आयटीबीपी जवान सुनील यशवंत हिरे हे दिनांक २२ रोजी अरुणाचल येथे कर्तव्य बजावत असताना शहीद झाले. दिनांक २४ रोजी खेडगाव येथे लागून असलेल्या माळरानात त्यांच्यावर शासकीय इतमामात अंत्यसंस्कार करण्यात आले. त्यांच्या अंत्यदर्शनासाठी संपूर्ण तालुक्यातून मोठ्या संख्येने नागरिक हजर होते. आपल्या लाडक्या सुपुत्राला अश्रूंनयनांनी मानवंदना गाव व परिसर वासियांनी दिली. गावाच्या सुपुत्राला अखेरचा निरोप देण्यासाठी खेडगावातील तरुण मित्र, विद्यार्थी, विद्यार्थिनी आबालवृद्ध व गावी सुट्टीवर आलेल्या जवानांनी तीन दिवसापासून तयारी केली होती.फुलांनी सजवलेल्या ट्रॅक्टरवरुन अंतयात्रा काढण्यात आली. संपूर्ण गावात रस्त्यावर रांगोळ्या काढून फुलांनी सजवल्या होत्या . अंत्ययात्रेदरम्यान ‘वीजवान तुझे सलाम’, ‘वीरजवान अमर रहे’ च्या घोषनांनी परिसर दुमदुमून गेला होता. संपूर्ण खेडगाव परिसरात शोककळा पसरली होती.सुनील हिरे हे २२ वर्षापासून देश सेवेत कार्यरत होते. त्यांच्या पश्चात पत्नी, आई, वडील व एक बारा वर्षाचा तर एक आठ वर्षाचा मुलगा, दोन भाऊ, बहीण असा परिवार आहे. खान्देशातील निवृत्त झालेले सर्व माजी सैनिक तसेच सुट्टीवर घरी आलेले सैनिकांनी अंत्ययात्रेबाबत नियोजन केले. खान्देश रक्षक रंक्षक संस्थेच्या सदस्यांनी सहकार्य केले.तीन दिवसापासुन आपल्या लाडक्या सुपुत्राच्या अंत्यविधीच्या स्थंळाची सजावट खेडगावकंरानी एक दुसऱ्याला धीर देत केली होती.अंत्यविधीसाठी वापरल्या गौऱ्याअमळनेर गौशाळेच्या पर्यावरणपूरक गौऱ्यांनी अंत्यविधी पार पडला. आयटीबीच्या जवानांनी तसेच भडगाव पोलिसांच्या वतीने मानवंदना तसेच सलामी देण्यात आली . अखेरचा निरोप देण्यासाठी आमदार किशोर पाटील , प्रांत अधिकारी राजेंद्र कचरे, तहसीलदार सागर ढवळे , पोलीस निरीक्षक अशोक उतेकर आदी उपस्थित होते. ते लोकमतचे वार्ताहर संजय हिरे यांचे चुलत भाऊ होते.

Jalgaon (Marathi News)

चुंचाळे, ता. यावल : जिल्हा परिषदचे आरोग्य व शिक्षण समितीचे सभापती रवींद्र पाटील यांनी पिता व आईंच्या ... ...

भुसावळ : कृषी विभागातर्फे २१ जून ते १ जुलैपर्यंत कृषी संजीवनी सप्ताह आयोजित केला आहे. अंजनसोडे ... ...

खेडगाव येथील आयटीबीपी जवान सुनील यशवंत हिरे यांच्यावर शासकीय इतमामात अंत्यसंस्कार करण्यात आले. ...