वाकोद (जि. जळगाव) : भरधाव कार दुभाजकावर धडकल्याने कारला आग लागली. यात पती गंभीररित्या भाजला गेला, तर पत्नीचा होरपळून मृत्यू झाला आहे. अंगावर शहारे आणणारी ही घटना सोमवारी (१० नोव्हेंबर) दुपारी ३ वाजेच्या सुमारास वाकोद (ता. जामनेर) नजीक घडली.
जान्हवी संग्राम मोरे (२१) असे मृत महिलेचे नाव आहे. तर पती संग्राम जालमसिंग मोरे (२३, रा. कुलमखेडा, जि. बुलढाणा) हा गंभीररित्या भाजला आहे. जान्हवी ही पतीसोबत माहेरी बोहार्डी (ता. भुसावळ) येथे आली होती.
छत्रपती संभाजीनगरकडे जात असताना अपघात
तिथून ते कारने छत्रपती संभाजीनगरकडे जात होते. वाकोदनजीक त्यांची कार दुभाजकावर धडकली आणि कारला आग लागली. जान्हवी ही सहा महिन्याची गर्भवती होती, अशी माहिती मिळाली आहे. या घटनेनंतर कुटुंबीयांवर दुःखाचा डोंगर कोसळला.
Web Summary : A pregnant woman died and her husband was severely burned after their car crashed near Wakod, Jalgaon. The car hit a divider and caught fire. The couple was traveling from Bohardi to Chhatrapati Sambhajinagar.
Web Summary : जलगाँव के वाकोद के पास एक कार दुर्घटना में एक गर्भवती महिला की मौत हो गई और उसके पति गंभीर रूप से झुलस गए। कार डिवाइडर से टकराकर आग लग गई। दंपति बोहार्डी से छत्रपति संभाजीनगर जा रहे थे।