नशिराबाद न्यू इंग्लिश स्कूल श्रींची स्थापना

नशिराबाद: येथील न्यू इंग्लिश स्कूल प्राथमिक विभागात गणरायाची विधिवत स्थापना झाली. संस्थेचे संचालक संदीप महाजन यांच्या हस्ते सपत्निक पूजन झाले. यावेळी कार्याध्यक्ष योगेश पाटील व सचिव मधुकर चौबे, प्राथमिक मुख्याध्यापक प्रवीण महाजन, माध्यमिक उपमुख्याध्यपक सी.बी. अहिरे, पर्यवेक्षक बी.आर. खंडारे उपस्थित होते. श्री गणेश चतुर्थीचे औचित्य साधून शाळेतील सर्व शिक्षक व शिक्षकेतर कर्मचारी यांच्या १० वी व १२ वी त अधिकत्तम गुणांनी उत्तीर्ण झालेल्या पाल्यांचा व पालकांचा सत्कार करण्यात आला. तसेच याप्रसंगी शिक्षक दिनानिमित्त सर्व प्राथमिक, माध्यमिक व उच्च माध्यमिक ज्युनिअर कॉलेज व किमान कौशल्य विभागाचे मुख्याध्यापक, उपमुख्याध्यापक, पर्यवेक्षक, सर्व शिक्षक व शिक्षकेतर कर्मचारी यांचा सर्वांचा सत्कार करण्यात आला. सूत्रसंचालन आर. एल. पाचपांडे यांनी केले. तर नियोजन संगीता जोशी व पूजा पाटील यांनी केले. कार्यक्रमास सर्व शिक्षक व शिक्षकेतर कर्मचाऱ्यांचे सहकार्य मिळाले.