चर्मकार विकास मंचकडून वृक्षारोपण
जळगाव : नशिराबाद येथे चर्मकार विकास मंचकडून वृक्षारोपण करण्यात आले. जिल्हा परिषद उपाध्यक्ष लालचंद पाटील, माजी सरपंच पंकज महाजन, वावडदा सरपंच राजेश वाडेकर, माजी सदस्य अरुण भोई, युवासेना शहराध्यक्ष चेतन बऱ्हाटे, शिवसेना शहराध्यक्ष विकास धनगर आदी उपस्थित होते. यावेळी १०१ रोपांची लागवड करण्यात आली. कैलास सोनवणे, टुलाराम भारुळे, प्रशांत सावकारे, ओंकार भारुळे, रोहन सोनवणे, नंदू भारुळे, राजूषा भारुळे, सुनंदा भारुळे, चंद्रकला भारुळे, रेखा भारुळे, सुमन सोनवणे आदींनी परिश्रम घेतले.
वाघनगरच्या समस्यांबाबत चर्चा
जळगाव : वाघनगराचा परिसर हा सावखेडा ग्रामपंचायतीच्या हद्दीत मोडत असल्याने सदस्या माया अहिरे यांच्यासह रहिवाशांनी या भागातील विविध समस्यांबाबत पालकमंत्री गुलाबराव पाटील यांच्या स्वीय सहाय्यकांची भेट घेतली. यावर लवकरच पथदिवे बसविण्यासह समस्या सोडविण्याचे आश्वासन देण्यात आले. यावेळी पितांबर अहिरे, जितेंद्र बिऱ्हाडे, बुधराज बिऱ्हाडे, आधार शिवदे आदी उपस्थित होते.