जालना : शहरातील विविध भागांमध्ये सुरू असलेल्या जुगार अड्ड्यांवर सदर बाजार पोलिसांनी बुधवारी छापे टाकून हजारो रूपयांचा मुद्देमाल जप्त केला. सचिन चंद्रकात नामदे (२५, रा. अलंकार टॉकीजजवळ, काद्राबाद), राजू दशरथ जाधव (वय ६५, रा. पावरलूम जुनी एमआयडीसी, जालना), शिवलिंग अप्पा छगन अप्पा वीर (रा. अलंकार टॉकीजजवळ, जालना), रमेश माधव सोनवणे (६५, राजमहल टॉकीजजवळ, जालना), कैलास भीमसेन चव्हाण (रा. ६५. रा. कोष्टी गल्ली, जालना), कमलकिशोर पुसाराम बंग (रा. कालीकुर्ती) यांच्याविरूध्द गुन्हा दाखल करण्यात आला आहे.
सदर बाजार पोलिसांनी सिंधी बाजार परिसरातील सार्वजनिक ठिकाणी सुरू असलेल्या जुगार अड्ड्यांवर छापा टाकून जुगार साहित्यासह रोख रक्कम असा ३४० रुपयांचा मुद्देमाल जप्त केला. यावेळी सचिन नामदेव शिवलिंग अप्पा छगन अप्पा वीर या दोघांना ताब्यात घेण्यात आले. बसस्थानक परिसरातून राजू जाधव यास ताब्यात घेऊन त्याच्याकडून जुगार साहित्यासह रोख रक्कम ४९० रुपये जप्त करण्यात आले. शहरातील गवळीपुरा येथून रमेश सोनवणे यास ताब्यात घेऊन त्याच्याकडून रोख रक्कम ७५४० रुपये जप्त करण्यात आले. मंगळ बाजार येथून कैलास चव्हाण व कमलकिशोर बंग या दोघांना ताब्यात घेतले. त्यांच्याकडून रोख रक्कम १७१० रुपये जप्त करण्यात आले. या सहा संशयित आरोपींविरूध्द सदर बाजार पोलीस ठाण्यात गुन्हा दाखल करण्यात आला. ही कारवाई पोनि. संजय देशमुख यांच्या मार्गदर्शनाखाली मपोना खरजुले, पोना खार्डे, पोहेकॉ. लांडगे, तेलंग्रे यांनी केली.