Viral Video: विरुद्ध दिशेनं येणाऱ्या ट्रकचालकाचं नियंत्रण सुटलं अन्...; अंगाचा थरकाप उडवणारा व्हिडीओ!

Romania Truck Accident: रोमानियातील ड्रागासानी आणि इएसी शहरांदरम्यान झालेल्या एका भयानक रस्ता अपघाताचा व्हिडिओ सोशल मीडियावर व्हायरल झाला.

रोमानियातील ड्रागासानी आणि इएसी शहरांदरम्यान झालेल्या एका भयानक रस्ता अपघाताचा व्हिडिओ सोशल मीडियावर व्हायरल झाला. या अपघातात एका भरधाव ट्रकने विरुद्ध दिशेने येणाऱ्या कारला चिरडले, ज्यात दोन जणांचा जागीच मृत्यू झाला. सध्या पोलीस या प्रकरणाची सखोल चौकशी करत आहेत. 

❗️❗️Camión se sale de control y aplasta a un coche con gente dentro

Dos personas murieron en Rumanía tras ser aplastadas por un camión que se volcó bajo la lluvia.https://t.co/lAWzmdEZ7Upic.twitter.com/fGtxVTlLHY

— RT en Español (@ActualidadRT) October 26, 2025

व्हिडिओत दिसत आहे की, एका काळ्या रंगाची कार रस्त्याने जात असताना तिच्या विरुद्ध दिशेने येणारा मोठा ट्रक नियंत्रण गमावतो आणि वेगाने घसरत पुढे जातो. कारच्या चालकाला धोका जाणवताच तो ब्रेक लावतो. परंतु, हा ट्रक उलटत कारला चिरडतो. हा अपघात इतका भीषण होता की, कार मधील दोन जणांचा जागीच मृत्यू झाला. या भीषण अपघातातून ट्रक चालक आश्चर्यकारकरित्या बचावतो, त्याला कोणतीही गंभीर दुखापत झाली नाही, अशी माहिती आहे.

या घटनेची माहिती मिळताच घटनेची माहिती मिळताच १३ अग्निशमन दलाच्या गाड्या, अनेक पोलीस अधिकारी आणि रुग्णवाहिका पथके तातडीने घटनास्थळी पोहोचले. गाडीच्या ढिगाऱ्यातून मृतदेह बाहेर काढण्यासाठी अवजड यंत्रसामग्रीचा वापर करावा लागला. दरम्यान, पोलिसांनी ट्रक चालकाची अल्कोहोल चाचणी केली, जी निगेटिव्ह आली. याप्रकरणी पोलिसांनी अपघाताची नोंद केली असून पुढील तपासाला सुरू केला.