तेहरानवर अणुहल्ला? संयुक्त राष्ट्रांच्या राजनयिकाचा खळबळजनक दावा, नंतर राजीनामा

संयुक्त राष्ट्रांचे कार्यकर्ते आणि पॅट्रिऑटिक व्हिजन असोसिएशनचे मुख्य प्रतिनिधी, मोहम्मद सफा यांनी मध्यपूर्वेत सुरू असलेल्या युद्धाच्या पार्श्वभूमीवर आंतरराष्ट्रीय संघटनेवर गंभीर आरोप करत आपल्या राजनैतिक जबाबदाऱ्यांचा राजीनामा दिला आहे.

संयुक्त राष्ट्रांचे कार्यकर्ते आणि 'पॅट्रिऑटिक व्हिजन असोसिएशन'चे मुख्य प्रतिनिधी मोहम्मद सफा यांनी आपल्या सर्व राजनैतिक जबाबदाऱ्यांचा तडकाफडकी राजीनामा दिला आहे. मध्य पूर्वेतील युद्धाच्या पार्श्वभूमीवर त्यांनी आंतरराष्ट्रीय संघटनेवर केलेले आरोप अत्यंत गंभीर आहेत. संयुक्त राष्ट्र इराणविरुद्ध अण्वस्त्रांचा संभाव्य वापर करण्याची योजना आखत आहे," असा खळबळजनक दावा सफा यांनी केला आहे.

इराणची तीन 'गुप्त शहरं'! अमेरिका-इस्रायलच्या छातीत धडकी भरवणारी 'मिसाईल सिटी' नेमकी काय आहे?

"मला या मानवतेविरुद्धच्या गुन्ह्याचा भाग बनायचे नाही किंवा त्याचा साक्षीदार व्हायचे नाही," असे म्हणत त्यांनी आपल्या पदाचा त्याग केला.परिस्थिती हाताबाहेर जाण्यापूर्वी आणि जगात 'अणु हिवाळा'  येण्यापूर्वी या विनाशकारी योजना थांबवाव्यात, यासाठीच आपण सर्व जबाबदाऱ्या स्थगित करत असल्याचे त्यांनी ट्विटमध्ये म्हटले आहे.

दरम्यान, सफा यांनी आंतरराष्ट्रीय संघटनेवर इराणमध्ये अण्वस्त्रांच्या संभाव्य वापराची तयारी करत असल्याचा गंभीर आरोप केला आहे. त्यांनी 'एक्स' या सोशल मीडिया प्लॅटफॉर्मवरील एका पोस्टद्वारे आपल्या राजीनाम्याची घोषणा केली आणि एक पत्रही प्रसिद्ध केले, यामध्ये त्यांनी आपल्या निर्णयामागील कारणे सविस्तरपणे दिली आहेत. आपल्या पत्रात सफा यांनी म्हटले आहे की, त्यांनी हा निर्णय दीर्घ विचारविनिमयानंतर घेतला आहे. 

संयुक्त राष्ट्राचे काही वरिष्ठ अधिकारी संघटनेच्या मूळ उद्दिष्टांऐवजी एका शक्तिशाली लॉबीच्या हितासाठी काम करत आहेत, असा दावाही त्यांनी केला आहे. त्यांनी आपल्या पोस्टची सुरुवात तेहरानच्या एका चित्राने केली आणि लिहिले की, लोकांना परिस्थितीचे गांभीर्य समजत नाही असे मला वाटते, कारण संयुक्त राष्ट्र इराणमध्ये अण्वस्त्रांच्या संभाव्य वापराची तयारी करत आहे.

"हे तेहरानचे चित्र आहे. तुमच्यासारख्या भोळ्या, कधीही सैन्यात न गेलेल्या आणि बॉम्बहल्ल्याच्या कल्पनेने उत्तेजित होणाऱ्या युद्धखोर लोकांसाठी, हे एक ओसाड वाळवंट नाही. इथे कुटुंबे, मुले, पाळीव प्राणी आणि स्वप्ने पाहणारे सामान्य कष्टकरी लोक आहेत, असेही त्यांनी या पोस्टमध्ये म्हटले आहे. तुमची युद्धाची इच्छा हा एक आजार आहे." सफाने निदर्शनास आणून दिले की तेहरान हे अंदाजे १ कोटी लोकसंख्येचे शहर आहे. त्याने वाचकांना वॉशिंग्टन, बर्लिन, पॅरिस, लंडन किंवा इतर कोणत्याही मोठ्या शहरावर अणुहल्ला झाल्याची कल्पना करण्यास सांगितले.